之前我晌吹水版post 過因為果陣唔知有呢度=.="
睇過唔好小我
ps. 100% 堅, 真人真事
我試過入左間酒店, 果陣係臨天光去, 我係同女友去, 點之酒店話無乜房, 得返13/f., 見好眼訓,就上左去了, 點知到左先知係尾房, 最初諗住無咁邪架啦....
.....點知, 訓左陣, 我醒左一醒, 我女友就伏左晌我度訓到屎屎下, 我凸然聽到有把女人聲, 佢問,你地晌度做緊咩呀, 我望望我條女郁都唔郁(訓左), 我發覺我個身都唔多郁得到(可能係我驚得滯), 之後我望左一望牆邊塊大頸, 因為我未訓之先沖涼無閂廁所門, 所以d 水蒸氣攻到塊鏡好多瑕氣. 但我好明顯見到有個黑影晌塊鏡中間位,而塊鏡既其他地方仲係好多水蒸氣..
之後我好細聲講左句, 我地黎訓下覺路過架咋, 打搞晒唔好意思呀.我地係咪阻住你呀? 我好記得我聽到有"人" 應我話,係呀, 你地阻住我呀.....我驚到呆左...講真
跟住一陣都無乜事,我就即刻叫醒條女走人囉.
其實件事係大半年前既事黎架啦, 但家下諗返都仲有d 驚. 我以後都唔會去果間酒店.
大家小心啦. 果間酒店晌尖咀近漆咸........
