(太陽) (08/06/2008)
林楚麒開腔:我們89年訂了婚
愛情篇:家駒對感情事十分低調,最令人印象深刻的緋聞女友是新秀出身的林楚麒。當年以未亡人身份出現家駒靈堂的她,近日坦言雙方早已訂婚!
事隔多年,林楚麒重提家駒時的語氣已相當平靜︰「呢十幾年我都香港,我刻意收埋自己!家駒離開,頭半年我一句話都冇講過,靈魂好似離開咁,直到我工人喊住同我講驚我有一日會自殺,我先醒番講番!事實上我當年同家駒拍拖3年,我仲訂婚!89年2月14日,我海洋皇宮登台,台下有一圍Beyond同事同埋我朋友,我唱完歌後大家食餐飯,家駒同我講呢餐係我訂婚宴。」
守夜出於好心
當年家駒出殯,林楚麒頭戴白花出現,還為家駒守夜,猶如親人般:「人話男仔未結婚上唔到神,我都同佢訂婚,即係半個老婆,所以就戴白花,我都係出於好心!當年鍾保羅死後設靈,我同家駒佢半夜去靈堂鞠躬,點知靈堂閂門,當時家駒話好慘,所以到佢走,我就為佢守夜。」當年林楚麒的好心,卻有傳媒報道指她失常,她終有機會平反︰「我殯儀館畀記者追,所以就匿入廁所,我想開窗抖氣,就畀記者話我想自殺,件事搞到我同黃家關係好僵!」
問到當年是否跟家駒在跑馬地同居?她說︰「唔算同居,但會好似男女朋友咁,去對方屋企過夜。」她還憶起跟家駒的戀情萌芽時的片段︰「陣Beyond未紅,我成日一齊去玩,我負責車佢返屋企,通常家駒係最後落車個,我好多單獨傾偈機會。記得有一年聖誕節,我為冇收過聖誕禮物而唔開心,家駒即刻落車買份禮物畀我,雖然唔係好貴,不過心意最重要。」
玩具店淋雨示愛
原來家駒也有鐵漢柔情一面,林楚麒還公開了家駒如何向她表白︰「陣Beyond好鍾意去玩具反斗城玩,我就埋怨佢唔叫我去,之後有次家駒約我去,出到得我同佢,日落好大雨,佢仲淋住雨等我,我問佢點解得我同佢?佢話係借意約我,想同我表白,就係咁我就一齊!」愛極家駒,但多年來從未見她拜祭,她解釋︰「我會半夜去將軍澳墳場探佢,因為我唔想畀人跟住,我想靜靜去同佢傾偈。」
不過,林楚麒表示跟家駒拍拖3年,而訂婚日期在1989年的情人節2月14日,但家駒是在1993年6月30日逝世,照常理推斷,就算拍拖後即日就訂婚,拍拖期至少也超過4年,或許家駒的離開,真的刺痛了林楚麒的心,才叫她把拍拖年期也搞錯了。