喺上年10月,有線靈異節目《怪談》主持人梁思浩突然喺社交網站po咗一張相,拎住「怪談後會有期」嘅紙牌,並留言表示因有線電視高層嘅決定,《怪談》 暫停製作,呢個皇牌節正式畫上句號。
作為香港唯一一個長期靈異節目,《怪談》一向都好受觀眾歡迎,停播消息傳出後,唔少網民都表示唔捨得。
各位靈異愛好者兼《怪談》擁躉,噚晚就搵到條上載咗上YouTube嘅《怪談》宣傳片。片中有過往曾經主持過《怪談》嘅雷宇揚、施明同梁思浩,去到片尾仲有前無綫主播方健儀出現,唔通方健儀將會做《怪談》嘅節目主持人?
唔少網民都覺得有啲格格不入,甚至話破壞晒主播嘅專業形象,但係又有人想睇下佢點樣理性分析靈異事件。唔知大家又點睇呢?