靈異照片 靈異照片，你覺得係真？定係做出來的假相呢？不過就算你覺得它們全部都係假，但係世界上的確存在好多不可思議的事，下次影相時都係小心些影好，如果唔係，可能會唔覺意將路過的鬼魂都影埋出。 健仔同同學一行八人，今晚約埋一齊入去西貢清水灣郊野公園燒o野食。接近九點鐘，八個人就o係彩虹集合，然後分兩架車沿清水灣道入西貢。斌仔負責駕駛其中一架車。當佢將架車駛到清水灣道過的相思灣一段路時，自細有陰陽眼o既斌仔就見到兩邊不斷出現好多唔同種類的鬼，其中最多係企o向度呆呆咁望住佢o地架車。佢初初見到o的鬼都唔似有惡意，就當冇事發生，亦冇同健仔佢o地講，費事嚇親佢o地。 可能因為係星期日，好多人聽日都要返工，所以入到郊野公園時，只係得零零星星幾人o向度執緊o野。好快成個公園就得返佢o地八個人。健仔佢o地話咁快就搵到一個靠近大路o既爐起火。 「喂！斌仔！幫手做o野啦！」健仔做做o下o野見到斌仔企o向度眼叨地璁甐的樹，於是叫佢幫手，而斌仔亦諗住行埋去洗叉。不過當佢行到近住個爐火時，突然見到有好多唔同種類的鬼魂一窩蜂湧到爐火旁邊，就好似普通人見到有明星咁一齊湧去圍住個火。 斌仔從來未試過同一時間見到咁多鬼，即時嚇到目瞪口呆，身體就好似唔係自己o既一樣，想郁都郁唔到。不過佢發覺好似只有自己見到呢個奇景，健仔佢o地依然若無奇事繼續燒o野食，繼續講笑。 斌仔諗諗o下覺得繼續咁落去肯定有危險，所以即刻叫大家離開， 「不如唔好燒囉！咁夜！都唔好玩o既！」 「唔係話？o黎到透著個火你話走？冇o野呀你？」健仔聽到斌仔突然嗌走即刻發火。而其餘各人都冇乜意思走，斌仔真係心都震埋。 「咁不如去第二度燒啦！呢度咁靜！」斌仔面色開始變得蒼白，因為佢見到所有鬼都係咁望實佢，好似知道佢想走咁。 「你係咪唔舒服呀？係咁咦燒一陣走啦！快o的過燒啦！」健仔邊行過去邊同斌仔講。 「得喇！我坐呢度得喇！你燒啦！」斌仔望住健仔佢被咁多鬼圍住o係中間，真係想即刻扯晒佢o地走。最激氣的都係佢o地仲o向度好開心咁影相，斌仔唯有詐病話要走。 班Friend見到佢咁唔妥，都擔心佢有事，所以結果燒半個鐘左右就決定走人。 臨走時大家原本諗住照o黎o個陣o既車輛分配坐返九龍，點知當斌仔行到車門時突然話唔o黎，要坐第二個朋友架車走，仲叫另外一個朋友幫佢o黎返九龍第二朝先俾返架車佢。個朋友以為佢好唔舒服，所以就幫佢o黎車。 出九龍沿途，斌仔都見到有好多鬼跟住佢o地兩架車尾。直至過o左銀線灣先再見唔到鬼影。出到九龍，當大家去到九龍城食o野時，健仔再問斌仔頭先做乜咁唔妥。呢個時候斌仔先講返自己沿途所見到o的o野。大家聽到之後固然心都震埋，不過最驚的都係幫斌仔的車o個位朋友。 因為原來斌仔之所以突然唔肯o黎車，係因為見到自己架車裡面逼滿o左超過十隻鬼，佢已經被嚇到手腳都震晒，根本冇可能o係車。不過佢個朋友知道有咁多鬼坐過入架車時，死都唔肯再來，但係斌仔又話驚出事，結果架車就咁掉低於九龍城一個停車場，第二日佢先再返走。 不過最令大家心寒的都係幾日之後o係公園裡面影o的相終於曬o左出o黎，裡面除o左有大家o既合照之外，每一張相裡面健仔佢o地週圍都出現o左好多人影，有些模糊一片，有些個樣好清，睇到大家都非常擔心。 最後健仔媽咪親自將o個幾張影到鬼o既相送去黃大仙，請人念經超渡然後火化，事情先告一段落。
