曼聯前鋒泰維斯表面open，但其實內斯文，呢位阿根廷國腳被踢爆同隊友去夜總會消遣，只係飲茶、食餅乾，而非飲酒，同佢粗獷外形成強烈對比。雖然畀其他紅魔取笑冠予「茶維斯」花名，不過佢咁乖仔，一定可以領隊費格遜心中加分。
曼聯陣中有唔少爛蒲友，Ｃ朗、拿尼同路爾斯安達臣更可堪稱為「風塵三俠」，而○六年登陸英超泰維斯，當時亦被稱為壞孩子，但事實證明以貌取人係錯誤。泰維斯去夜總會，竟然可以抵抗酒色引誘，單純品茶食餅，簡直係曼聯隊內一股清泉。難怪曼聯內部人士聲稱泰維斯好喜歡英國生活，甚至已愛上當地茶文化。
http://football.on.cc/football/new/20080419/fbnewc0150x0.html
