以下係我游玩鄉下既記趣~
------
我係年三十朝早食完早餐，同執埋行李就起程番鄉下 （只有我,我呀妹,我呀爸）
咁難得番鄉下，我緊係好開心la
小弟因為住將軍澳，所以就搭地鐵到九龍塘
但係我呀爸話要幫朋友拿野
所以係觀塘等佢,我等左好耐
佢都未番來,我話如果俾我知到係邊個
我大年初一 ，一定問候佢 =x=
等多陣佢終於番出來
佢仲話一陣要係上水俾野人
咁我一即搭，搭到水上
我終於知道係邊個 -x-
原來係我一個呀叔 = = (咁我大年初一問唔問候佢好=x= )
之後同佢食完野,佢就走了~~~~
------------入正題----------------
去到羅湖，一定好多人啦
咁岩我鄉下既車來左 （小弟鄉下係東莞大朗）
緊係上去坐個靚位,但係D位俾人坐晒
我地3個唯有分開坐
小弟只有nds，所以只係玩nds
玩到差唔多1個鐘， 終於到左
由於我鄉下屋企，離車站幾遠
所以要坐五分鐘既車程番去
終於番到屋企了
由於本人有2個家
所以去左多人個個仙
照例牌，一定問長問短
但係一年只係見幾次，我冇可能唔答 ＝ｘ＝
終於到左５點幾，又係食飯既時候
但係D餸又係例牌，菜，肉，雞，粉絲
次次都係呢D餸，但係一年只需要忍受幾次，照食
食完之後玩左陣，終於要出去玩了
我,我呀妹,我呀爸去左個呀叔屋企玩
我呀爸同呀叔飲酒傾計
我,我呀妹係度睇電視 （電視放緊功夫灌籃）
我姨媽番左來，佢話去洗腳
問我去唔去，我話唔去
我因為唔知我呀爸一陣去邊度，所以唔去
睇完功夫灌籃後，都差唔多９點幾
我呀嫲話要早D返去拿行李
所以就坐呀叔架車返屋企拿行李
因為我地訓覺個層冇電視，熱水要等二十分鐘 ＜－－－－唔係講笑，真係要等二十分鐘
所以去左酒店住，第一間酒店唔係咁好，有陣味
去左第二間酒店，好靚，但係冇雙人房
我呀爸話第二間酒店係佢舅父開，即係我舅公開 （即係我呀嫲個細佬）
我話叫你舅父俾間雙人房我地咪得囉
佢話規舉唔可以咁，而且佢已經俾人打理個間酒店
佢唔會係度，之後去左第三間酒店
第三間酒店叫水秀，之前幾次番來都係呢間酒店住
呢間唔錯的，有陣香味
就住左係個度，差唔多十一點幾
頭仙個呀叔打出來找我呀爸去宵夜
我同呀妹，就留係酒店睇電視
大陸D電視有好多個台睇
慢慢我就訓著左
－－－－笫一日完－－－－
年初一
因為我呀爸琴晚食宵夜食到好夜
所以起身個時十一點幾
而十一點幾是食午飯既時候，所以就返屋企食
返到屋企個時，好多人俾利事我=x= 正
我大伯爺返左來，佢話請大家出去食野 (終於唔洗食例牌餸 )
因為附近冇酒樓，所以要坐十幾分鍾車去酒樓 (當然係坐私家車)
間酒樓冇咩人，唔知係唔係大年初一個個要拜年，所以冇咩人
野食有雞，粉絲，牛聊，蝦等等
食完之後就去找朋友，但係冇人係屋企
所以番屋企睇電視（我住個層係冇電視的）
到５點幾，又係食飯既時候 ＝ｘ＝ （又係例牌餸）
食完睇左一陣電視，便又出去玩了
今次去今日冇人係屋企個個人度 (注：個個人係我呀爸個朋友）
去到個度，終於有人係屋企
上到去個度，都係飲茶，傾下計（大陸D人好鐘意飲茶）
之後佢個仔番左來，見到佢高左好多 (注：我之前成日同佢個仔玩）
原來佢都有打開籃球，所以我就同佢去打籃球
而我呀妹就同佢２個家姐玩電腦
我同佢係坐摩托車去籃球場
佢開到好快，我覺得好爽
去到籃球場，一邊打緊比賽一邊冇人打
我就同佢到另一邊打，大陸個塊籃球板高好多
香港個Ｄ我都掂到，但係大陸個Ｄ掂唔到
佢都算幾勁，打左二十幾分鍾就冇打，因為我好累，但係佢好似唔累咁（可能我冇打幾個月，所以退步晒）
準備走果時，佢話佢可以打贏我，我唔信，所以我同佢打多場比賽
但係因為落微微雨，個場好冼，所以約定下年再打
我地去左買牛奶飲，然後就坐摩托車返佢屋企
返到佢屋企，９點幾到，佢地又話去宵夜
所以又坐車去酒樓食宵夜，個度Ｄ野食同香港酒樓一樣
食完之後就番酒店訓覺
－－－－笫二日完－－－－
年初二
一起身就去左酒樓食野，我姨媽姨丈都有係到
食完之後就返屋企玩
一返到去，見到我堂呀哥
然後就去佢間房玩電腦，飲茶
我呀妹係到玩電腦，我同我呀爸同埋我２個堂呀哥傾計
一時傾下養魚心得，一時傾下佢部車
不知不覺又到左食例牌餸既時候 （午餐）
食完之後就去堂呀哥個舅父個到 （我呀爸都認識的）
去到佢舅父個到又係傾計，飲茶
而我同我呀妹同堂呀哥去到另一間房玩
之後佢地又話打麻雀，我唔識打麻雀，所以冇打
打麻雀既有我呀妹，堂呀哥，佢舅父個老婆，佢個仔
而我就係個度玩電腦，上msn
打完麻雀之後，原來係我呀妹嬴錢=x= （打1元正一舖）
之後就到酒樓食晚餐，個度有好多人，所以收左好多利事
食完之後就去燒煙花，我只係影左２福煙花相 （相遲Ｄ仙post 上來）
我玩到差Ｄ燒左自己對鞋 ＝ｘ＝
個度Ｄ煙花買左八十元正，可想而知有幾多煙花 -x-
燒完煙花之後，又返佢屋企傾計
我呀爸飲洒飲到醉左，係咁將D野重覆再講 =x=
等到佢冇咁醉個時，個舅父話去洗腳
有我，我呀妹，我呀爸，舅父去洗腳
去到個度，我呀爸，舅父去洗頭仙
只有我，我呀妹洗腳，因為第一次洗腳，有小小驚
洗腳全部都係女洗，幫我洗腳個個女仔幾靚
首先佢會睇下你隻腳要用咩浸，佢話我隻腳唔錯，所以浸白醋
佢會拿個木盤，然後擺隻腳落去浸，之後佢仲會幫你按摩
首先係手，頭，腰，腳
佢按我個頭個時，係我後面，幾次都唔小心撞到我 
開心既時光過得特別快，好快就到十二點
洗完之後就返洒店訓
－－－－笫三日完－－－－
年初三
一起身執埋Ｄ行李，就退房
然後去附近既餐廳食早餐
之後就搭車番來
- -----------完------------[ 墮落惡魔在2009-01-29 14:36重新編輯此帖 ]
