引用第2樓waynewong於2010-04-25 21:41發表的 :
唔好亂講得唔得
女性朋友好多
唔代表要拍拖
學業都未搞掂
.......
高登創作文：《毒男的一生》 作者：不明
升中四了，還未試過拍拖，但毒男說："不緊要，依家努力讀書考好會考，第時有錢你荒無女？"
結果，毒男克服了一個又一個的考試，升上大學；影畢業相時，發覺好多人都一雙一對，原來大學係撮合情侶既好地方。毒男依然一個，但他說："不緊要，即將係我踏入社會大展拳腳既時候，亦係我幸福生活既開始！"
毒男努力工作，三年，五年，七年過去了，依然單身。但他終於達成了心願，成為高收入人仕 － 月薪達二萬零五百蚊。
毒男年過三十，開始疑惑："點解我已經係成功人仕，但仲係無女？" 更令他驚訝的是，公司不少女同事都同 MK 型男拍拖結婚，但那些男人可不是事業型喎，例如，Dorothy 既男朋友只係中五畢業既 sales，月薪只有一萬八千蚊，比自己足足少了二千多元！點解？唔係努力讀書成為有錢人就有女既咩？
不知不覺毒男到了中年，身邊已無什麼朋友，自己渡過一個又一個既聖誕節及情人節。
毒男年老了，孤零零一個坐在公園，回想一生：自己曾得過什麼？女人的身體是怎麼樣的？和女朋友係海邊共渡平安夜既滋味係點架？高登人不是經常留帖話："後生時唔好浪費時間，第時有錢你荒無女咩！"我照做了，究竟什麼地方出錯？
