男：今晚妳想食乜野？
女：是旦啦！！你話事
男：食壽司好唔好？
女：天寒地凍仲食Ｄ凍冰冰野．．．
男：咁去打邊爐啦，天氣咁凍，打邊爐就最正
女：我前兩日先打過，成日打好熱氣．．．
男：咁去食泰國野或者韓國燒烤好唔好？？
女：都話左熱氣啦，仲要我食呢Ｄ野，你有冇心聽我講野架．．．
男：咁去POKKA好唔好？？ｏ個度Ｄ SET DINNER都幾好食（開始有Ｄ無奈）
女：POKKA好多人，唔想排隊
男：咁去"鋸排 "好唔好？？
女：唔想食咁多肉，好肥架．．
男：冇人叫妳食晒件"排"，或者妳叫碟意粉又或者其他野都得架
女：咁咪即係叫我睇住你"鋸排"，我唔食你都唔準食．．．
男：咁食台灣野好唔好？（有Ｄ火）
女：台灣野好多油，好肥架（撒嬌樣）
男：咁去食粥啦（已經開始"發悔氣"）
女：天氣咁凍，食粥唔飽肚
男：M記"定"家鄉雞．．．行啦（江良才盡"發悔氣"，明顯已經唔想諗）
女：都話熱氣落．．（委屈樣）
男：咁不如妳話事啦，我唔想諗啦．．．
女：我就係諗唔到食乜先叫你話事，你比Ｄ主見得唔得（發脾氣）
男：唔係話熱氣，就話肥，我真係諗唔到仲有乜可以食（爆發了）
女：咁係熱氣、係肥"呀嗎"．．我有講錯咩，自己諗唔到就亂發人脾氣（惡人先告狀)
男：咁去"味千"食拉麵好唔好（死狗樣）
女：唔．．都好，我要食咖哩拉麵∕炸餃子
仲要食雪糕（明顯係見好就收）
男 : (心諗) ~神又係你,鬼又你~咖哩唔係熱氣、炸餃子唔係熱氣、仲食
