切換到寬版
  • 8315閱讀
  • 5回復

經典電影金句 [複製鏈接]

上一主題 下一主題
離線ken736
 
發帖
3247
icash
13589
威望
2935
只看樓主 倒序閱讀 使用道具 樓主   發表於: 2006-11-30
西遊記大結局
之仙履奇緣
曾經有一份至真o既愛情擺o係我面前,但係我冇去珍惜,到冇左o既時候先至後悔莫及,塵世間最痛苦莫過於此。如果個天可以俾機會我番轉頭o既話,我會同個女仔講我愛佢,如果係都要o係呢份愛加上一個期限,我希望係,一萬年。(至尊寶情深演繹,全片講過兩次。一次係呃紫霞、第二次係自願帶上金剛箍時最後說話)
做咩呀﹖你愛呀﹖你愛要出聲先得架,你愛我比你,你唔愛我當然唔會比你啦!無理由你話愛我唔比你,你唔愛我比你架嘛!大家講道理丫嘛!拿,我數三聲,你話愛唔愛喇喎。(唐三藏)
人同妖都有阿媽生,不過人係人那媽,妖係妖那媽。(唐三藏)

食神
鹼水麵冇過冷河,所以成碗湯有鹼水味。魚蛋亦都冇魚味,但係你為左掩飾,專登加D咖喱汁將佢做成咖哩魚蛋,但係咁做太天真,因為你煮o既時間唔夠,咖喱味根本只係o係表面,而冇入到裡面,掂到湯之後重要沖走埋。好好地一粒咖喱魚蛋,俾你整到冇魚味亦都冇咖喱味,失敗!蘿蔔冇揀過啦,太多渣,失敗!D豬皮又煮得太淋,冇咬口,失敗!D豬紅鬆泡泡,一夾就散,失敗中o既失敗!最慘係D大腸,粒面都重未通乾淨,重有舊屎,你有冇攪錯呀﹖(同一番說話o係食神出現過三次,史提芬周and唐牛)
佢高傲,但係宅心人厚﹔佢低調,但係受萬人景仰﹔佢可以將神賜俾人類o既火運用得出神入化,做出堪稱火之藝術o既菜式!究竟佢係神o既化身,定抑或魔鬼o既使者﹖冇人知,但係有一樣o野可以肯定o既,每個人都會俾一個稱號佢 --- 食神!(歐海棠介紹食神)
情與義,值千金,刀山去地獄去有何憾。為知心犧牲有何憾,為嬌娃甘心剖寸心 (大聲叫︰「好兄弟!」同時用隻血淋淋既手大力拍落周星馳個膀頭度) 血淚為情流,一死豈有恨,有誰人敢過問。(莫文蔚雙手血淋淋豪情唱出)
爭咩丫,撈埋黎做個瀨尿牛丸丫笨!(八兩金,呢句本來係周星馳講既,但係八兩金講得有性格D)
你呀,你唔係多舊魚呀,你呀,你多左好多舊魚呀,你呀。(某廚師)
咦﹖呀Richard個樣好Richard喎!(周星馳)
你估我唔到架啦!(周星馳)
少林寺十八銅人!(少林寺十八銅人每逢擺陣時大叫。注意個陣係只有頭三個人耍功夫,後面d有d做金雞獨立,有d拎摺凳猛車周星馳)
從來冇試過咁清新脫俗o既感覺,牛肉o既鮮、瀨尿蝦o既甜,溝埋一齊o既味道竟然比老鼠斑有過之而無不及,簡直比我o既初戀更加詩情畫意,所謂「舉頭望明月,低頭思故鄉」,好詩!好詩!(李兆基,食第一啖瀨尿牛丸時墮入清新脫俗地享沙灘起舞時的幻想中時講)

唐伯虎點秋香
小強!小強你點呀小強!小強你唔好死呀!我同你相依為命、同甘共苦左咁多年,一直將你當係親生骨肉咁供書教學,估唔到今日白頭人送黑頭人。
(唐伯虎,對住隻蟑螂講) 
周星馳︰燒雞翼, 我鍾~~~意食
朱鐵和︰但係你老母講你就快釘
朱咪咪︰愈係快釘之所以愈要整多隻,如果依家唔食以後冇機會再食
朱鐵和︰你真係就快釘﹖
周星馳︰我真係就快釘
合︰如果依家唔食以後冇機會再食~~~ (唐伯虎,朱咪咪及朱鐵和合唱)
陷家剷泥齊種樹   汝家池塘多鮫魚
果成苗長(女麻)撚飯   你老母兮真歡娛
(唐伯虎,呀對穿牆同唐伯虎鬥對聯)
稟夫人,小人原本住在蘇州既城邊,家中有屋又有田,生活樂無邊,點知個唐伯虎,佢橫蠻不憸點,勾結官府目無天,巧取豪奪我家田,我阿爺同佢翻面,慘被佢一棍來打扁,我阿「女麻」鬧佢欺善,更被佢捉了去唐府,強姦了一百遍,一百遍!最後仲縣樑自殺慘無邊,佢還將我父子,逐出了家園,流浪到江邊,我為求養老父,袛有獨自行乞在廟前,點知個唐伯虎,佢實在太陰險,知道此情形,竟派人來暗算,把我父子狂毆在市前!小人身壯健,殘命得留存,可憐老父魂歸天,此恨更難眠,為求葬老父,唯有賣身為奴咁作賤,一面勤賺錢,一面讀書篇,發誓把功名顯,手刃仇人意志堅,從此唐寅詩集伴身邊,我銘記此仇不共戴天!
(唐伯虎數白欖)
山下一群鵝,噓聲趕落河,落河捉鵝醫肚餓,食完番歸鋤老婆。
別人笑我太瘋癲,我笑他人看不穿,不見五陵豪傑墓,無花無酒鋤作田。
好在我拼命咁護住塊面,咁我英俊既相貌先得以保存,今晚我就要向佢來表白,看妳個秋香對我動情不動情?

家有喜事
o靚仔,家陣老笠!(周星馳)
人生有個真正朋友的確好~~~極,飲勝!(周星馳)
巴黎鐵塔反轉再反轉   (周星馳)
阿諾「豬」~~(拉長)~~華生力「啤」 (周星馳)
邊個淫蕩呀?我淫蕩!邊個淫蕩呀?又係我淫蕩!!(周星馳)
醉拳甘迺迪,亦即係南拳北腿孫中山既下集 (周星馳)
佢患o既係無定向喪心病狂間歇性全身機能失調症。(醫生)

賭聖
三叔~~~~~~~~ (周星馳)
晒冷!(多次,周星馳)
你吹得我漲咩?(三叔)
上海灘賭聖
我係賭~~~~~~~~(360度surround sound)~~~聖!(周星馳,賭字拉足三十秒)

賭俠
各位觀眾,五條煙(A)!(周星馳)
你睇我唔到!你睇我唔到!(周星馳)
昨日,我菲律賓工人行個街市,聽到有個賣魚佬講話有條友仔叫做賭神,係你。哈哈……我當堂嚇左一跳,然後得啖笑。呢個世界,居然有人自稱為賭神,咁即係分明當我流唧!拿!我就叫賭聖,你賭啤都要帶隱形液晶體眼鏡啦,我睬你都o徒氣,直情睇穿牌o既,呢d就叫特異功能。呢度有隻A士,只要我輕輕一"chu",就即刻變為一隻皺左o既A士,因為我未發功丫嘛。我發左功呀,變副麻雀出呢都得。你話我果然無厘頭呀,我夠話你訓醒戇九九咯。望咩呀﹖條氣唔順呀﹖發個輪黎大家研究下。當然,你要補番一百幾十萬過我就唔在講架啦。啤咩呀﹖學野唔使錢呀﹖抄底我聯絡電話係香港︰3345678,我再重覆一次係香港︰3345678。你唔搵我我冇所謂,因為呢d係你o既損失。十點後鐘唔好打黎,因為我訓左!(周星馳寄比劉德華餅錄影帶)
逝去感情如何留我住,半點痴情遺留恕不易,更多悽悽慘慘的遭遇,我不知道~~~hum家鏟!(周星馳充滿感情地唱出)
錯!唔係天眼通,係天~~眼通(高音+走音)   (周星馳)

無敵幸運星
巢家二哥:咁鍾意啜野,啜得好過癮啦?想邊隻手指唔要?
幸運星:隻隻都要架!呢隻愛黎打手指模 (指公)、呢隻愛黎篤人背脊 (食指)、呢隻問候你老母 (中指)、呢隻愛黎戴結婚介子 (無名指)。
巢家二哥:咁手指尾呢?
幸運星:手指尾隻愛撩鼻屎。
一本漫畫闖天涯
你老竇有身紀…紀…紀…紀…,恭喜!恭喜!喜 (阿星表演唱歌)

整蠱專家
我就係風魔萬千少女,改進社會風氣,刺激電影市道,提高青少年人內涵﹐玉樹臨風,風度翩翩的整蠱專家,我個名叫古晶,英文名叫Jing Koo。(周星馳)
我要努力向上
不枉諸君寄望
我要努力向上
要令朋友滿心歡暢
hey   青年人要努力
休悲愴   休悽涼
總之但憑我力量
先要堅定我志向
我若再受挫折
努力但憑力量
心中滿是悲傷
他朝得意樂洋洋
hey   良朋   情長
良朋相勉勵情誼難忘
良朋恩高好比萬丈
周星馳︰「等等先,企好未呀﹖」
劉德華︰「企好啦。」
良朋解我愁懷愁腸
解我憂鬱冇惆悵
(劉德華同周星馳完全唔岩音咁唱)

國產凌凌漆
拿!好似呢個modelF40咁,表面上,佢係一個大哥電話,實際上,佢係一個鬚刨,方便我出席一D宴會埸合,能夠神不知鬼不覺咁剃鬚…呢個鬚刨model911,表面上,係一個鬚刨,實際上,佢係一個風筒…(再指住第二個風筒) 而呢個風筒只係表面的掩飾,事實上,佢亦係 一個鬚刨,問你死未﹖(凌凌柒)
古時有關雲長全神灌注捉象棋括骨療毒,今日有我凌凌漆聚精會神睇咸帶鋤骨囉彈頭。(凌凌柒,轉移視線分心大法)
呢支唔係普通既電筒,呢支係唔使電芯既太陽能電筒!o你有光源既時候佢會著,冇燈佢就絕對唔會著。如果想佢著,只要囉個電筒出黎照住佢…咁佢就會著啦!(文西)
我費一生既精力,集合十種殺人武器於一身既︰超級武器霸王!!產品編號︰「囉你命3000」,經已研究成功左啦!西瓜刀、單車鏈、火藥、硫酸、毒藥、手槍、手榴彈、三角錘,每樣都係獨當一面既,家下集合埋一齊,問你死未?(文西,超級武器霸王就係將以上武器用禾旱草捆在一起)
唉~~~你咁樣做係無用架,好似你呢D咁出色既男人,無論呢埋享邊,都好似漆黑之中既螢火蟲一樣,咁鮮明,咁出眾。你憂鬱o既眼睛,唏噓o既鬚根,神乎奇技o既刀法,重有o個杯 Dry Matinee……已經將你深深咁出賣左。雖然你係咁出色,但係行有行規,琴晚o個筆過夜數你都未找,叫雞唔洗俾錢呀﹖(好靚表姐同凌凌漆講)
凌凌漆:咁多年啦,我以為國家已經將我忘記左。
司令:點會呢,就算係一條底褲一張廁紙都有佢既作用。
凌凌漆:呢個比喻真係一流。
審死官
人黎,落閘,放狗。

大內密探凌凌發
大夫~~~大夫~~~我係唔係有左唧﹖(劉以達)

逃學威龍
 
秦沛(校長)︰「你地兩個係父子(指周星星同達叔)﹖咁點解一個姓周一個姓曹架﹖」
達叔︰「我本來叫佢做曹星星,但係唔知點解佢自己叫下叫左周星星…(細細聲同周星馳講)咁講得唔得呀周sir﹖」
周星星︰「It's ok.」
唔係呀嘛﹖支槍真係咁善良﹖(周星星,企圖開支善良的槍又開唔到時講)
較剪腳喎,你話笑死唔笑死。 (周星星對達叔講)
周星星:教書我冇乜信心。
阿頭:唔係叫你扮教師,叫你扮學生。
周星星:扮學生!我當年就係因為至憎讀書先至加入警隊,我唔可以扮學生架!阿sir,你咁樣做,就等如將我帶去一個滿佈毒蛇猛獸既火山口上面,唔理我既哭叫,唔理我o既哀號,狠狠地、亳無憐憫地,將我用腳一伸,伸入火紅既岩漿裡頭,你咁做又於心何忍呢?
阿頭:咁咪好囉!等你活得豐富,死得精彩!唔駛講啦,吟詩都吟唔甩架啦!

逃學威龍2
訓導主任,訓o係到個主任。(周星星)
鹿鼎記
我誠實可靠小郎君並唔係浪得虛名架播!(周星馳)
我對你既佩服有如滔滔江水連錦不絕,對你既欽敬亦有如黃河氾濫一發不可收拾!(周星馳)

行運一條龍
媚姨(對周星馳講)︰我地緣已盡喇。
唔係AM,唔係FM,係SM。(媚姨&濕星)
唉,我呢D浪子,邊有初戀架。(周星馳)
我只係一條溝唔到女既可憐蟲 (周星馳)

回魂夜
嘩!你老母'呢'o係廚房食雞脾呀!(周星馳)

九品芝麻官
我絕對冇強姦隻豬! (包龍星得知被屈時激動說出)

新精武門
下﹖吹蕭萍唔識吹蕭﹖(周星馳)

破壞之王
差人甲︰就係你報警下話﹖
何金銀︰係呀Sir!
差人甲︰比人搶哂d野呀﹖
何金銀︰冇哂d野!
差人甲︰咩名呀﹖
何金銀︰何金銀!
差人甲︰身份証呢﹖
何金銀︰亞Sir!!你睇我全身仲邊到可以"攝"得落張身份証呀﹖
差人甲︰咁你記唔記得"老凹"你個樣個"忍"呀﹖
何金銀︰唔明!!
差人甲︰我問你呀,認唔認得"老凹"你個樣個"忍"個"忍"樣呀﹖
差人乙︰ 等我黎啦師兄!
何金銀︰呀Sir問你呀︰認唔認得"老凹"你個"忍"個樣呀﹖
(周星馳同差人甲乙)

喜劇之王
柳飄飄︰「你條死茄哩啡!」
尹天仇︰「查實,我係一個演員黎o既。」
(周星馳及張柏芝)

愛你愛到殺死你
仆你個X!直情好買到不得了!(八兩金)

古惑仔
我大佬係耶穌!(林尚義牧師)

旺角卡門
我寧願做一秒鐘英雄,都唔要做一世烏蠅!(烏蠅<張學友>)

秋天的童話
你阿媽,大減價,益你阿爸!(船頭尺同中國同學會合唱)
Table For two? (船頭尺同十三妹講,秋天的童話最後一幕,Sampan門口重逢)
風吹雞蛋殼,財散人安樂   (船頭尺)
邊個敢蝦我地中國同學會o既人呀!(船頭尺)
又要生,又要死,又要用刀仔拮大脾   (船頭尺)
三大規條︰戒酒   戒賭   戒煙
五大目標︰學海無涯 唯勤是崖
囉完綠卡要囉金卡
著鞋要著襪   英文要講grammar
想做就去做   船頭愛茶煲
(之後抹左船頭兩個字,寫上……)有人…愛茶煲!
(船頭尺享鏡上寫)
十三妹︰點解你叫船頭尺既﹖
冇柄庶︰船頭把尺黎做乜架﹖度水囉!

監獄風雲
亞Sir,我大聲講野唔代表我無禮貌!(周潤發)
食屎狗~~~~   (周潤發鬧張耀揚)
忍一時風平浪靜,退一步海闊天空   (周潤發)
女人,好就女人,唔好就累人。(周潤發)

英雄本色
唔好搵支槍指住我個頭!我最憎人搵支槍指住我個頭!(Mark哥)
阿sir,我冇做大佬好耐啦!(豪哥)
我衰左三年,等緊個機會,爭返口氣,我唔係想話俾人聽我威!我只係想話俾人聽我唔見左o既野要我自己囉返!(Mark哥)
做兄弟o既…… (Mark哥臨死前一刻)

新難兄難弟
人人為我,我為人人   (梁家輝)
我地係福建大學畢業既,Fuking Fuking U!(一面拍手一面講既梁家輝+梁朝偉)

風塵三俠
一個男人一生只有一個1.25公升可樂樽咁多架咋!(梁家輝)

黑玫瑰對黑玫瑰
小寶寶,食蛋糕,飯仔mum mum叔叔餵到。食過會大,食過冇壞,飯仔mum mum最好~~~~~   (梁家輝)

新不了情
都唔係路架,up得就up。(袁詠儀知道自己癌病復發享醫院鬧做醫生o既張艾嘉)
金枝玉葉 行兩步,RR!(陳小春教袁靚靚扮男人行路)
麥當雄約左麥當娜去左麥當奴道o個間麥當奴食麥皮撈當歸 (林子穎同家明,困lift中)
阿飛正傳 我係一隻無腳o既雀仔…… (張國榮)
張國榮︰多少錢?
張曼玉︰兩毛錢瓶子按五仙。
張國榮︰你叫什麼名字?
張曼玉︰我為什麼要告訴你?
張國榮︰我知道你的名字,你應該叫做,叫蘇麗珍。
張曼玉︰是誰告訴你的?
張國榮︰你今後會夢見我。
張曼玉︰我昨晚沒有做夢見到你。
張國榮︰是呀,你昨晚一直沒睡。這是無用的,你一定會見到我的。
張國榮︰你今天有點不同。沒有?那麼你的耳朵紅紅的?
張曼玉︰你到底想怎樣?
張國榮︰我只不過想和你做朋友而已。
張曼玉︰我幹嗎要和你做朋友?
張國榮︰看著我的手錶
張曼玉︰幹嗎要看你的手錶。
張國榮︰就一分鐘
張曼玉︰時間到了,說吧。
張國榮︰今天幾號了?
張曼玉︰十六號。
張國榮︰一九六零年四月十六號下午三點之前的一分鐘,你和我在一起。因為你我會記住這一分鐘。從現在開始我們就是一分鐘的朋友,這是事實,你改變不了,因為已經過去了。我明天會再來。

張曼玉獨白︰我不知道他有沒有因我而記住那一分鐘,但我一直都記住這個人。
以前我以為有一種雀仔,一開始飛就會飛到死亡的那一天才落地。其實牠甚麼地方也無去過,那隻雀仔一開始已經死了。(張國榮獨白)

重慶森林
我們分手那天是愚人節,所以我一直當她是講笑。我願意讓她這個玩笑維持一個月。從分手的那一天開始,我每天買一罐五月一號鳳梨罐頭。因為,鳳梨是阿美最愛叫的東西。而,五月一號是我的生日。我告訴自己,當我買滿三十罐的時候,她如果還不回來的話,這段感情就會過期。
我是早上六點鍾出生的,還有兩分鐘我就25歲。換句話說,我已經在這個世界 上經歷了四分之一個世紀。在這個歷史性的時刻,我去了跑步。我很成功地將我身體多餘的水份蒸發,我覺很開心。要離開這個球場的時候,我留下了我的call 機,因為我知道今天沒有人再 call 我。
(金城武轉身,call 機響了)

金︰368覆機

call台小姐︰請講出密碼

金︰愛你一萬年

call台小姐︰你的 702 房的朋友跟你說生日快樂。

金︰謝謝

在1994年5月1號 有一個女人跟我講聲生日快樂。因為一句話,我會一直住在這個女人的心裡。如果記憶都是一罐罐頭的話,我希望這個罐罐頭不會過期。如果一定要加上一個日子我話,我希望最好是一萬年。

每一架飛機上面,一定有一位空姐你想溝的,去年呢個時候,我成功o係二萬五千呎高空溝左個。我以為同佢一齊甘耐,就好似一架加滿油的飛機一樣,可以飛到好遠,點知道架飛機中途轉站。(梁朝偉獨白)
梁朝偉獨白 (她走左之後,屋企的野變得好傷心,每晚我要安慰佢地,我先訓得著。)

對番皂講:「以前你知唔知你瘦左?你以前肥嘟嘟,你睇下你而家,何苦呢,要對自己有信心先得架。」

對條濕毛巾講:「你唔好喊啦,你甘樣喊喊到幾時?做人要堅強的,你睇下你,成劈野甘躂係道。唉,等我幫你啦。」

(他把毛巾擰乾,掛起來) 然後他說:「而家係唔係舒服好多。」

同個毛公仔講野:「仲乜唔出聲?唔好嬲佢啦,每個人都有唔清醒的時候,比個機會佢好唔好?」

同底衫講:「是不是好寂寞?幾日之麻,使唔使咁,等我比d溫暖你。」

(梁開始熨件衫)

梁朝偉獨白︰

有一日我突然心血來潮,我有種感覺佢好似返左黎,不知道我唔記得關水喉,定還是間屋愈黎愈有感情,我一直以為它是最堅強,點知佢喊得最犀利。一個人喊,你只需比張紙巾佢,一間屋喊你要做多好多功夫。

春光乍洩
不如我地重頭黎過   (張國榮)

傲氣雄鷹
有信心未必會贏,但冇信心就一定會輸!(劉德華)

烈火戰車
我要快過風   (華D)

我是誰
WHO AM I~~~~~~~~~~~~~~~~~~~~~   (成龍大哥失驚無神走上山頂大叫)

精裝追女仔
你o既難題就係唔夠我靚仔,所以冇得解決 (交通燈)
De 唔 De 先??(吳準少)
呢舖真係掂過碌電燈柱 (交通燈)

精裝追女仔之二
曾︰狗!!
呀SIR︰乜今次唔叫食屎狗咁俾面呀﹖
曾︰因為我想你連屎都冇得食~~~
(曾志偉扮監獄風雲)
從今以後Working hard
囉完金咭囉綠咭
學完英文學日文
以後唔再玩女人
日日沖涼兼擦牙
去買生髮水黎搽
戒煙戒酒戒賭錢
入醫院把包皮剪
飛起姣婆蘇
自堅愛茶煲
(扮秋天的童話寫字在鏡上)
有情人終成眷屬,我地冇情人唯有打鵲局。麻雀王俱樂部,豪華麻鵲房,房房有廁所,有得打,有得痾,包你贏到笑呵呵!(吳準少,交通燈)
記得香蕉成熟時2 19xx年香港電影節參選電影0既冠軍係︰「在這個陽光燦爛的日子我的心仍是奇怪地漆黑一片但仍然感覺到你的油頭粉面」導演係大家都好熟悉o既……王晶。(成年波仔)
初戀無限 TOUCH No common!(東東,表示no comment)
「你喇沙?!」 「你喇沙?!」 「我喇沙囉!!」「我喇沙D!!」「你喇沙?!」「唔通你喇沙呀?!」「我喇沙呀!!」(Wyman同某濕星)

色情男女
救命呀!唔好殺我呀!救命呀!唔好姦我呀!(舒淇)
天旋地戀 你有冇聽過珍寶珠愛情觀呀﹖愛情就好似珍寶珠咁,有好多款可以任你揀。其中有d係好甜o既,亦有d係甜中帶酸o既。食珍寶珠就好似享受愛情咁,如果你發現o個隻味唔岩你咁你咪試過第二粒囉!兩蚊之嘛!忘記之前,又再從新享受﹔正如果個女仔唔適合你o既,咁咪去搵個適合架囉!每食一枝珍寶珠就代表一段新感情,你話幾開心呢!但每枝珍寶珠都會有食完o既一刻。正如愛情一樣,就算兩個人點樣好過,始終會有分離o既一日。你依家明未﹖唔明呀﹖食枝珍寶珠就明架喇!(KiKi--舒淇)
甜蜜蜜 黎小軍同志呀,我黎香港o既目的唔係為左你,你黎呢度o既目的都唔係為左我呀!(李趬)
我呢生人最開心既一日,就係威廉帶我去半島食飯……可能威廉已經唔記得我,不過唔緊要,我記得咪得咯,而且我依家咁老,又咁醜,佢唔黎搵我都係好既。(小軍姑媽)
星願 o係我從來冇希望得到乜野既時候,竟然比我得到佢既愛﹔到我睇到佢,好想擁有佢,佢反而仲討厭我。人有左希望,就會失望。我好快就要走,我已經將最難忘既時刻留低,唔理係開心,或者唔開心,我都希望呢一點一滴既回憶,能令我最深愛既人好勇敢、好勇敢咁繼續佢既既人生旅途。過去呢五日雖然好短,但係我都要講比空氣中既朋友聽:好好珍惜你所擁有既一切,無論係而家或者將來。縱然匆匆溜走,我亦今生無悔。(洋蔥頭臨走前打電話到電台真情剖白)
百分百岩feel 拍拖有如搭地鐵,由荃灣搭到柴灣,中途要轉好多程車好煩。你身邊o既人,你永遠唔知佢會係邊個站落車,可能佢會陪你搭到銅鑼灣,可能佢o係金鐘就走o左。可惜D o既話佢o係杏花落車,或者唔好彩o既話佢一句再見都無就o係大窩口飛身落車,令到你每次搭這程車都係一個人。要搵個可以同你一齊搭到柴灣o既人,可能要搭萬幾班車你先可以遇到肯陪你搭完呢程車o既人。(鄭伊健同邱淑貞講)

百份百感覺
好邪呀!(Cherry)
就好似,每一個女仔,第一次聽白雪公主故事咁,都會希望自己係白雪公主,有皇子錫醒丫嘛。每個人都會有佢自己的夢想。其實愛一個人係一件好用力o既事。我有諗過放棄你架,Jerry!但係知點解,當我見到你開心o既時候,我就會好開心。但當我見到你唔開心既時候,就算我幾唔想飲咖啡,我都想沖杯比你飲,直至你笑返為止。但係你份人實在太冇安全感喇!可能我太冇自信啦,怕綁你唔住。有時我真係想做返我自己,o係我做返我自己既時候,希望你有返d空間去衡量一下我地之間既關係究竟係點,我唔會要求你原諒我,我亦都唔使你等我,因為我知道一直以來,我都有為你付出過。(Cherry)

最佳拍擋
死袋(仔)包   (光頭佬)
好爽哇!(光頭佬)

風雲
我嫁左比佢都可以同你一齊架!(孔慈同步驚雲講,我睇戲時全場嘩然)
新同居時代 不要為一顆星星而放棄整個天空   (亞Jan)
港督最後一個保鏢 小樓昨夜又春風 (港督<羅家英>成日唱,憑呢首詩相認鐘陸葛外母冷若水)
半枝煙 我以前以為,得唔到既野,可以一世都記住,但原來有一日,老天爺會突然同你講:「我記都唔比你記呀,吹咩!」其實我今次番黎,唔係要殺九紋龍,我只係想o係我仲有記憶既時候,見多個女人一次,因為……佢係我呢一世見過最靚既女人。(豹哥)
雙城故事 我呢一生人最失敗,就係鐘意左個海。佢令我唔可以腳踏實地。(志偉)

李小龍
我讀得書少,唔好呃我!
中國人唔係東亞病夫!

 
1條評分
颯★爽★亂★入、超銀河紳士★~★~★~ ヘ( ☆‧ ω‧)> ★~★~★~
偶的Blog
離線牙峰

發帖
2866
icash
1818
威望
511
只看該作者 1樓  發表於: 2007-01-06
第一個我知啦!!唐三藏仲話 你e家係妖怪!!但係你有左一個心係就唔係妖,你係人妖.....................................

離線糯米滋

發帖
16767
icash
14729
威望
8606
只看該作者 2樓  發表於: 2007-01-06
有好多粗口= =
唐伯虎點秋香你有好多打錯,如:果成苗長(女麻)撚飯 應該係魚肥果熟麻撚飯,仲有你老母兮真歡娛,唔係咁係咁:你老母兮親下廚

國產凌凌漆
仲有
聞:漆仔
周:係,文西
聞:我都係希望你叫番我全名[達文西]
周:好牙聞西
聞:多謝
周:唔好客氣牙文西

精裝追女仔
仲有一句
呢獲柯but甩(周潤發)
離線糯米滋

發帖
16767
icash
14729
威望
8606
只看該作者 3樓  發表於: 2007-01-06
九品芝麻官
仲有
你生仔冇屎忽,老豆賣屎忽,自己爛屎忽,鐘以食雞屎忽,大屎忽(要好快,可以用黎串人=])
你人又老,錢又冇,d雞又走佬,你唔死都冇用~
你做人唔精,做鬼唔靈,頭胎唔清,住定下世做個波羅定~
你唔化妝好過化妝,做鬼好過做人,我做人夾你抽筋,做鬼嚇到你失魂~
我大人啤你賤人得,你賤人啤我大人唔得~
離線牙奇

發帖
13555
icash
55
威望
8410
只看該作者 4樓  發表於: 2007-01-07
我都諗到個
末來戰士:
i will be back!
離線牙良
發帖
4837
icash
1339
威望
1039
只看該作者 5樓  發表於: 2007-01-07
都好多經典電影金句下...@@
醒你2分吧..!
.
快速回復
限100 字節
 
上一個 下一個