呢個故事發生o係七十年代尾, 果時我得果一兩歲, ( 咁大家都估到我而家幾多歲啦, 哈哈..) , 係我呀媽講番比我聽o既~
我地住o係湾仔的唐樓, 近船街, 間屋好大, 有千幾尺, 實用面積百份百. 不過唔係我地住晒呢 ~~ 業主將間屋用木板間開幾間房, 我地住其中一間. 果時啲人雖然窮, 不過大家都好友善, 好守望相助的, d细路會一齊玩, 唔使返工o既師奶會幚手睇细路.......大家好似一家人咁~ 呢d人情味而家已經好難揾啦~
我就o係呢啲環境下長大的, 而家諗番起都有d懷念~~
講番正题~
果時隔离房有個呀姑, 都成六十歲啦~ 不過仲要出去打工, o係文華酒店做拾房之類工作.
佢要輪夜班的, 有時放工都成半夜一點嘞~ 當時呢個時間, 條街幾乎係無人的~ 咁夜電車都無啦, 同埋為左省回一個幾毫, 佢會由中環行番去湾仔~ 途中會經過美利樓, 位置大约在现今的中銀大厦. 大家知唔知美利樓呢? 而家已經成棟搬左去赤柱嘞.
有晚半夜一點佢又行過美利樓.
突然身後傳來”咯,咯,咯” 的高根鞋聲跟住佢行. 呀姑向後望當然係乜都望唔到啦. 深夜在完全無人的街上走, 又有高根鞋聲跟住自己, 其實都幾恐怖. 不過呀姑好累, 佢只想快d返屋企, 只好行快兩步.
如是者過了幾晚, 只要是呀姑放夜班一點, 每次經過美利樓, 佢都會聽到有高跟鞋聲跟住自己. 不過d聲音到左屋企樓下就會消失, 唔會跟佢上樓的. 呀姑都開始不以爲意了.
有晚又係咁啦, 不過今次到左屋企樓下, 呀姑稍到對面馬路有個人企左o係度,佢望一望,o係微弱的街燈下, 佢見到有個長頭髮, 着高跟鞋的女人望住自己, 不過太黑似乎望唔到五官. 個情况都相當鬼異~~~呀姑只好不動聲息, 加速脚步上樓~~~
第二日呀姑就同d同屋講番呢件事, 有個呀叔話, 佢比你聽到聲音, 又開始现身比你睇, 睇o黎必定係有事相求的!
呀姑話: 你嚇鬼呀! 我窮鬼一名, 求咩呀求, 我驚佢有牙呀! 無錢我就驚!
如是者, 又到了呀姑放零晨一點的晚上...........
呢晚呀姑心情好差, 佢比上司閙. 到左美利樓, 又係同一種高跟鞋聲出现. 呀姑一時感到好凄凉, 佢一個人一把年纪o係香港打工, 比上司罵, 打工打到半夜三更自己一個人o係條街度行, 而家仲要比鬼跟!
佢忍唔住大哭起來, 轉身對住空氣大罵: 我 xxyz&&*$%%&*$ 你呀! 你咪再跟X住我呀! 我已經够晒凄凉, 你仲要跟X住我!!! 你過主啦! 我窮鬼一個, 幚你唔到架! 你走啦! Xxyz&*^%$#@#$#x~~~~~~~~~~
果晚呀姑就係咁喊住返屋企, d同屋個個都比佢嚇親! 以爲佢嚇傻左~
之後呀姑半夜行過美利樓, 就無再聽見高跟鞋聲了......................
事情就這樣完了.
大家都話原來窮鬼係最惡的~ 連鬼都怕左佢!
