呢個故事係真人真事,可能唔恐佈,不過就真係好奇怪
醫院病房
如常我都係返工,當日返夜更,同中午更同事交更之後,就開始做野,一切正常,入夜之後,有位patient禁call bell,如事我去應鐘啦,入到去係位老伯伯黎,個老伯伯話病房入面好嘈同我投訴,我以為隔離床既patient講野大聲,就同個老伯伯講,「夜啦,早d訓啦!」,就出返去做野,過多陣,又有call bell响,我又再入去應鐘,今次老伯伯又係話病房入面好嘈,我就周圍望下係咪有人講電話/傾計太大聲,但又唔見有人講野,所以我都係叫老伯伯「早d訓啦,都冇人講野」,又過一段時間,又有call bell,今次我決定叫第二個同事去應鐘,你知道有d伯伯好曳,成日都玩call bell,第二個同事入到去,個老伯伯又好怕又好驚咁講「姑娘,我床邊真係有好多人呀,唔該叫佢地走啦」,第二個同事同老伯伯講「都話冇人囉,走晒啦,訓啦」,之後一直到天光都未再有call bell
朝早我地夜更同事同早更同事交更,講明某床有位老伯伯經常禁call bell話有人嘈住佢,叫下更同事多d留意下
下更同事去巡左一次房,到老伯伯張床,發現老伯伯已經過左身.....
後尾先知原來老伯伯講既野係真,亦知道原來一個老人家快死既時候,係會見到有人去接佢走....
前身手術室
我曾經做野既地方前身係手術室,手術室一定有人救得返亦有人術中死,所以除左殮房,病房陰氣重外,手術室都係陰氣重既地方
周不時我同d同事都感覺到有個中年男人經常徘徊0係部門最入既地方(因為果度前身有條樓梯,裝修後封左),個中年男人成日望住我地做野,我同事有次仲大聲叫佢走,佢就走左去,有時就去左另一邊(我地後欄有條路通出去大堂left口),佢就企0係度望住我地做野
有次仲企0係pantry(廚房)門口望住我同事食野......
最離譜係0係房入面唱歌仔....0係你耳仔邊唱.....真係雞皮都出....
手術室出面就係ICU(深切治療部),又係死過好多人....
有一晚個看更巡樓,巡到去ICU,突然比幾個身型重既物體壓住佢,好彩個看更都大大隻,可以脫險,之後果個看更即刻辭職唔做...
而家裝修之後,因為我地呢邊呢層呢座個部門唔駛開通宵,所以未再有任何事發生
