係我小五個年，屋企同姑姐&姑丈去左馬來西亞旅行
呢次係我第1次去坐飛機，第1次住酒店所以好開心
係旅程既第2晚，領隊話「呢到個賭場好出名，各位團友可以落去試下運氣架」
由於個到賭場唔知要夠18定21歲先入得，我同家姐好自然無得入去啦
家姐同左我去賭場隔離既遊戲機中心玩當時好興既電單車game(直頭坐係架膠電單車到玩)， 玩左半個鍾到，突然間好暈好唔舒服
家姐話帶我上房先啦，到我上到住個層，大獲啦，有一個企係酒店房門口，我以為係侍應哥哥，半透明既野，好惡咁對住我
我問家姐見唔見到 佢話「無人呀，又嚇我呀，衰仔」 ，跟住我就當無事入房啦
跟住家姐叫我訓陣啦，訓訓下就發夢，夢見岩岩企係門口個位"哥哥" 個個哥哥擰住把刀，係到用唔知咩語言黎罵我
我再望一望地下，地下有好多死屍，我就好驚咁行出去搵媽咪同家姐，我見到佢地都比人殺死左 訓左係地下
之後我就抱住媽咪係到喊啦，個陣仲好白痴諗緊以後淨係得返阿爸咪大獲，實比佢打死啦，無左媽咪點算
喊喊下，我就起左身，我成隻腳都係"比鬼MEET"既青青黑黑既痕，媽咪即刻比佢帶緊個塊玉觀音我帶先至無事
[ albertyuen在2011-08-28 05:42重新編輯此帖 ]
