千奇唔好唔想返學
我明白讀書的可能會有呢種感覺
但到你真係出黎做野果陣
你會發現原來同讀書係兩回事
出黎做野真係唔係咁簡單
好似我咁,讀書果陣,又覺得唔想讀,想出黎做野
但當我畢左業之後,工作左兩三年度,先發現個人真係覺得好累,做野唔係咁簡單
每次都會令我諗返起讀書果陣既野,想返去讀書但已沒呢個機會,
自己想進修一下,又沒多餘既錢!
雖然中學時代有時會比老師罵同罰,但係我覺得係學校既生活真係好開心!
出面既世界完全唔同,雖然可以同d同事做朋友,但有d年齡相距太遠又溝通唔到
所以有時我覺得自己好矛盾,比到你讀書機會,又唔好好珍惜,直到而家先想讀返書
我係中五畢業的,果五年時光真係覺得好快過左,有時經過學校門口,所有既野都變左
想入去探下以前既老師,又冇咁既決心入去!
睇返校網先發現原來有老師退左休,D fd又少左聯絡,各有各的事業!
以前係學校返8個鐘都死下死下,覺得時間太長,想知幾時放得學
但而家做野返10個鐘,又唔當一回事!
出黎做野之後,個人係會變得好快,同你讀書果陣既自己好似兩個人一樣!
所以呢,仲讀書既人,有得讀就應該讀了,時間係會過得好快!
好好珍惜餘下既校園生涯吧
