呢件事發生在約十四年前, 我與一位感情十分好的朋友阿文身上, 從小到大我都係同阿文週圍去。後來, 因為我開始要到外國留學, 所以惟有等到聖誕回港後才可與阿文通山跑。
三個月過得很快, 終於到聖誕假期返港渡假, 還記得由於與父母同住, 以前每天的 “煲煙時間” 也要移至戶外, 由於居住地附近有個山頭, 我與阿文通常也會在那些方談天說地, 飲酒食煙。我不在香港的幾個月完來阿文已識左女友阿恩, 所以順理成章, 阿恩也很多時跟着我們一起, 很記得那是我參不多離開香港的一星期前, 那晚我們一行三人開始又向山上出發, 那天我們坐在平常的聚會地望上山上遠處時, 發現了一些光柱, 發出的光芒那時只識不停用 “勁靚” 形容 (當年本人見識較少, 所以唔多識形容, 後來去過芬蘭之後, 先知果D光柱係類似北極光) , 而我們二話不說便向著光柱那邊走去, 不一會已到達了光源的所在地, 原來那些光芒是從地下的幾個小洞穴發出來的, 我探看一下, 完全看不淸楚, 只依稀記得其中一個穴像是藏了礦石。我們把自己的手觸摸着光柱, 那種光真的很吸引, 綠色, 藍色, 紫色, 粉紅…不同的顏色照着皮膚, 令我有種很安詳的感覺, 而我很記得阿文重講左一句: 見到呢個奇景真係死而冇撼! 那天我們在那裏留了很久, 而阿文重提議聽晚要再上黎坐。
第二晚我地又一行三人又向山上出發, 但奇怪的是那些光柱竟然全部失踪, 怎樣找也找不到。到第三晚阿恩話唔同我地顛, 畢竟是個女仔晚晚通頂唔多惦, 所以只有我同阿文再出發, 幸運地(不幸地?)今天光柱再度現身, 阿文興奮得急速跑去光柱, 而我開始在思考, 那些神秘光洞究竟是什麼? 為什麼會令人有點著迷? 到達後阿文開始坐在那些光洞旁, 不停用手模著光柱, 其實現在回想他表情真有點似俗稱的鬼上身, 但那時候他談話亦對答如流沒異樣, 我也放下了這疑問, 繼續談天說地, 飲酒煲煙!
往後幾天我與家人上了大陸, 而時間一下子到我再去外國的那天, 我與屋企人、阿文同阿恩一起食飯, 那天見到阿文的精神很差, 便取笑是否阿恩唔比你訓, 而他只笑一笑便沒作聲, 再看阿恩也目冇表情, 初時我以為他們鬧交灑花槍, 但當阿文上厠所之際阿恩突然間同我講: 你個 frd 有D問題…...我早幾晚(即發現光洞後第四晚)本身約左佢食飯, 但出到黎佢又話要上山, 咁我咪話都要食飯ga…..根住佢叫我去買D野攞上去食, 我費事睬佢咪走左law…….第二日我再打比佢約佢食飯la……..點知佢一句唔得閒就收左我線, 今日唔係你叫我都費時出黎呀! 你同佢傾下la!
其實一聽已經知有少少唔妥, 之後我問阿文係咪日日都上左去, 但佢始終都係不停否認, 咁男人講野都係一兩次, 既然佢唔認咪求其叫佢氹下女友, 根住我就上機繼續留學!
過左一星期左右, 因為當時手機重未普及, 我打電話到阿文屋企諗住傾兩句, 還記得當日拎起電話的係阿恩, 但當我問阿文係邊度果陣, 佢喊到講唔到野, 良久之後阿恩才回答: 阿文過身了! 我聽到後當然悲痛萬分, 所以待大家心情平復後才敢問個清楚。阿恩告訴我, 自從我走後阿文幾天也沒有找她, 而且除了在開學那天返學外就一直玩失踪, 阿文的家人告訴阿恩說, 那幾天他每晚也出去直至早上才回來, 初時還以為他兩在一起, 到兩天前阿文到早上也沒有回來, 他媽媽打給阿恩才真相大白, 其後有警察通知他家人, 原來阿文在山上被人發現暈了送進醫院, 而醫生初時只斷為疲累過度, 沒什麼大礙, 只要留院一天就可以。之後阿文一見到阿恩就立刻說: 總之冇論如何…...晚上千祈唔好再去果度…..記住告訴阿斌(我), 唔好再去!!! 阿恩當然不停追問, 但佢始終都冇再交待, 只係不停重覆太遲喇……唔好再去。那天早上醫院突然打比阿文家人說他過身了, 後來的驗屍報告只係話佢心臓衰竭, 我當然不相信他死於隠疾, 究竟那些光柱是什麽呢? 我沒有再深究, 而我亦一直聽從阿文的惟願, 直至這一刻依然沒有再去故地尋找答案。
