呢件事就發生o係3年前,我阿媽就係泰國人黎既,黎左香港結婚生左我同細佬,o係香港生活左10幾年,之後佢就同埋我細佬返左泰國到住,
佢因為有心臟病,3年前佢突然病發,仲要係好突然果隻,突然到連最後一面都見唔到,我過到去佢已經送左去靈堂啦,當時我一落機返屋企放低晒d野,
就即刻全家人去靈堂守夜啦,我記得當時我一入去個靈堂,就立即有一陣好臭好濃既氣味攻過黎,係好臭嫁,我從來未嗅過呢一種氣味,,呢陣味耐唔耐就會攻過黎,
好啦...都唔理啦,過去上香就諗住訓啦,因為去到既時候都已經好夜嫁啦,咁當然阿媽死左,點會訓得著,所以我訓一陣就會坐返起身,但每次一坐起身,果陣味就會攻過黎,
每次都係....由於阿媽泰國果條村既習俗,呢d野要做3日嫁,我地一家人守完夜再做埋第一日既事之後,大約下午4:00到啦,返到屋企諗住訓下,但我差唔多訓著既時候,突然
感覺到有人輕輕拍左我背脊幾下,個感覺唔驚,就好似有人想安慰下你既感覺,之後就因為太累就訓左,頭2日都無咩事發生,到第3日啦,呢日要火化啦,呢一晚就開始黎料啦,
當晚我都係訓唔著,o係張床到碌黎碌去,我記得到夜晚12:00-1:00到,突然隔離幾間屋既狗開始好似狼咁叫,慢慢一隻一隻咁傳過黎,到我屋企果隻狗跟住叫,由於我泰國
係果d高腳屋,即係有一支支木頂起成間屋果d,間屋又起o係河邊,夜晚水太漲的話,我屋下面就會浸晒水,水深到上5吋下5吋到啦,但平時就可以o係下面做咩都得既,咁d狗就係到係咁叫,
慢慢就差唔多半條村d狗都一齊叫,呢個時間o係我屋頂黎左一隻叫聲好似烏雅既雀係到叫,當我屋企隻狗開始叫既時候,我聽到我屋下面好似有人o係水到行既聲,
(沙沙)聲咁,聽d水聲聽到出有人o係下面行黎行去,之後d水聲去到上屋條樓梯到停左,呢個時候就聽到1 d唔知講乜既語言,唔係泰文,又唔係廣東話,仲好似有d回音咁,
我就心諗,呢d係咪就係鬼食泥呢,我聽到好似有2個人對話咁,好似唔知嗌緊d咩,之後聽到佢地鬼食泥左一大輪,突然好似有人發爛渣咁係咁踢d水,一陣又好似有人
掉左落水咁既聲,,之後就無再聽到有人傾計啦,間屋木做嫁,突然聽到啪一聲,我聽到有人拍我細佬間房下面,拍左好幾下,咁當然冇人會應啦,之後就聽到佢又o係下面
周圍行,突然我聽到有人用泰國講左一句野,已呢句野既意思就係(阿仔)咁解,即係我阿媽叫我地,咁當然又係無應到佢啦,又聽到有人係到咳,我之前聽我阿媽講過,話火化既人,如果佢返黎既
話,通常都會聽到佢咳,話可能係燒既關係,會令佢地覺得喉嚨好辛苦,所以會係咁咳,之後就聽d水聲覺得佢行左出去啦,但因為d狗會追住佢黎吠,我聽狗吠可以知道佢大約既位置,佢係條村行
黎行去,可能搵下d親朋好友呱,隔左一個鐘到又返左黎,又係下面行黎行去,到5:00到就走左,d狗靜晒啦,連屋頂隻雀都走埋啦,訓醒之後將件事話俾我細佬知,原來佢咩水聲,有人拍間屋,有人
叫我地佢都聽唔到,一直都訓死左,咁佢就再將件事同d親戚講,佢地就叫我地去裝香俾地主,同地主講聲話俾我阿媽入屋,再將貼o係門口d符拎走晒佢,咁我地照做啦,好啦...又到夜晚啦,又係
差唔多時間,狗又開始叫,屋頂又一樣黎左類似烏雅叫聲既雀係到叫,由於間屋係木做,有人行間屋就有d震,我feel到個大廳好似有人行緊,又聽到好似有人拎起d野又放返低咁,我本來咁耐
冇見佢想見下佢,但由於環境太恐怖啦,屋頂又半夜有雀係到叫,d狗又係到叫,最驚係佢會唔知用咩方式出現,一陣無啦啦閃出黎,真係連我都嚇死埋,所以我就不停o係心到講,報夢好啦,報夢
好啦,講完話咁快就唔知點解訓著左,之後就真係夢到佢,講左d咩就唔話你知啦,個夢我發發下,我就突然扎醒左,但一醒就發現自己郁唔到,咁我嚇一嚇,就係心唸南無阿彌陀佛,唸左一句,但第
二句都未諗完,突然有一陣風落黎,連張皮都退到落個肚既位置,呢一刻突然好似有把聲,印落我個腦到咁,講左一句,唔好唸呀,阿媽你都驚,跟住就聽到人係我後面果位咳,之後諗諗下又係既,
阿媽黎又洗乜驚呢,咁我就無理到再訓過啦,之後一陣又扎醒,仲未郁到,為有再訓反正咩都做唔到=.=第二日天光起身又同d親戚講,佢地同我講話,咁就得啦,佢扎得你即係入到屋啦,之後再
同我講,話原來係屋頂叫果隻雀,係要果間屋有人過生先會出現,原來果隻雀o係泰國黎講,就等於中國既牛頭馬面,係黎看守住個仙人嫁,其實係佢過生果陣都有d事發生,由於我姨媽因為祖屋
問題,同我阿媽反晒面,但我阿媽過生佢又好似想補償想幫手咁,我周老豆當時又未趕到去泰國,咁我細佬就同我姨媽o係電話到傾點搞佢身後事果陣,講講下既時候,可能講左d阿媽唔岩聽既
說話,突然間我細佬電話無晒聲,但係我姨媽電話果邊就有把佢話好似我阿媽既聲同佢講.......(咁你想點呀),之後電話就cut左線啦,嚇到佢咩咁.....係咁多,完啦^^
