呢個件事係我\同校同學的經歷(信不信由你)，同大家分享下。
時間係我入讀大學的預備班的時候，女生宿舍內有一間好大的化妝房係走廊的盡頭，內有好多鏡，宿監話係俾女同學吹頭同熨衫的，但係訂囑我地過左晚上的十點就唔好用呢間房。其實我從來都唔見有好多同學係呢間房，因為大得泥得D鏡、幾張長枱同櫈，成間房太空洞。我自己就好少到呢間房，因為我自己覺得吹頭同熨衫係房做咪得囉。
有一晚，好多同學上左黎我地果層，大家湧入一房，好似有大事發生咁。我同我的同房們當然唔執輸走去八下咩事。原來有一個同學喊到好似顛左咁，佢平日好COOL好沉默，又唔多同我地傾計，但係份人都幾好，我估計佢係太掛住屋企所以咁COOL。樓長叫我去揾舍監黎，我去到舍監房先知，原來舍監當晚唔係學校，有位女教官(超惡)代守，我話左俾佢知有同學需要佢幫手，佢上到去見到個同學喊成咁，第一件事就鬧佢唔好攪事，俾佢鬧左一陣之後，同學真係平靜左。教官走左之後，我地又返黎再八過。個同學話自己好累想瞓下先，俾左一盒錄音帶我地叫我地出去聽，佢唔敢再聽到，跟住我地去左第二間房聽。
呢盒帶係佢的"家書"，因為佢自細同佢婆婆住，出泥讀書係佢咁大個女第一次離開婆婆所以佢成日都好掛住婆婆，打長途電話又貴，寫信，婆婆又唔識字，所以佢諗住用錄音帶錄一段近況俾佢婆婆聽，因為佢婆婆平日都會聽下粵曲的錄音帶錄。有一日下午空堂，佢見去果間化妝房無人，於是走入去裏面錄音，成日房得佢一個人，完成左錄音之後，佢無即時聽返就返入房。食完飯佢返房聽返盒帶，盒帶沙得好緊要，
佢淨係聽到好似有把女仔聲唔知講咩，但係似叫緊佢個全名，"..SA..SASA..SA...X家X..SA...X家X..SA.."但係佢的同房們都話唔似係佢個名，似係某鄉下話。於是佢又入去果間化妝房重新再錄過，即時聽返，情況差唔多，但係比較清晰，係有女仔聲叫緊佢個名，仲一大堆唔知咩話，總之好似話想返屋企，佢嚇到狂跑返自己房，喊到好似顛左咁。
第二日，晨咁早，舍監上黎揾果個同學，調佢去樓下同舍監同房，又同佢講只要當無事發生就得，其他野佢會攪。個同學話真係平靜左好多，不過舍監原來成日都好夜至返房架。唔知舍監佢去邊，有八卦的同學就好奇跟住去踪佢，發現原來晚晚舍監都去果間化妝房，好似探訪咁。我地就好奇問下舍監，因為我地同舍監的關係都算好，佢好多野都會話俾我地知。佢話唔想引起我地果層的同學不必要的恐慌，所以不嬲都唔會同人講。原來佢都係海外學生，同一個要好的同學一齊愛上了一名已婚的教官，果個教官好明顯係鐘意佢個朋友多Ｄ，所以舍監就諗住成人之美退出呢段不倫之戀返國。點知教官的老婆好快揾到黎學校，四個人就上左教學大樓天台講數，混亂之間舍監就俾人推左落樓，送左去醫院，舍監的好友以為佢會死，就好內疚，走去化妝房果度割脈自殺死左。由於佢的家人不原諒佢的行為所以一路都無到台灣處理佢的後事。而舍監就跌斷左對腳，所以佢係坐輪椅的，後來女生宿舍鬧鬼鬧得太出名根本無人肯做舍監。舍監知道佢的朋友可能死不冥目，所以決定留下陪佢，學校仲為佢安裝左專用升降機方便佢上落，而舍監的"朋友"只會係果間化妝房度出現， 而舍監問左佢個朋友，知道錄音出事的同學係因為中文名同果個已婚教官同名，可能係咁至會出事。
