呢件事係由蛇婆講比蛇媽聽,大約係幾十年前既中國某市鎮,發生左一件驚人大件事,事緣就係錢莊老細陳老闆妹妹,係屋企上吊身亡,陳老闆知此事後,追查原因,原來係陳老闆既妹上吊當日,係街上和一個婦人因事而嘈交,大家女人相嗌唔好口,陳妹竟然因此睇唔開而自盡,陳老闆知此隋即大怒,誓要血債血嚐.原來同佢呀妹鬧架既係一個已緍婦人,佢老公姓黃,佢就叫黃大嫂,佢兩個都住係平房既一介窮人黎,陳老闆當時已通知當時既巡警(即是現今既警察)點都要屈黃大嫂係害死佢妹既人,當時有錢既人當然可以為所欲為,官商勾結,黃大嫂自然就入罪,可憐既呀黃呢個時候不停聲淚俱下求陳老闆放過佢老婆,做牛做馬,賠償所有家當,希望放過黃大嫂,但陳老闆本身係一個銀行家點會將呢D咁既錢財放左眼內.陳老闆就做左一件事就係要佢老婆墊佢妹屍底!!!!!
陳老闆為左報復,佢都大費周章,佢將呀妹既屍底放係一個玻璃做既棺材入面,下面就放入活生生既黃大嫂,當時黃大嫂仲要全身赤裸雙手雙腳被綑綁,無力反抗地訓係度,都唔單只咁,陳老闆仲命人興建一個竹既高台,將玻璃棺材吊起,叫人可以仰高府望,此時再將棺材蓋蓋起,仲要命人用槍指住呀黃觀看,佢老婆慢慢因缺氧,而,氣絶身亡,據聞仲要七日七夜日哂雨林示眾,作法者話將其妹屍水混和墊屍底者,會形剋多世,陳老闆做到呢個地步仲唔夠,如果去參觀呢個玻璃棺材既群眾仲會有錢收,令到更多窮既人聞風而致,更多人觀賞到呢個極刑,佢手段其實係十分毒辣.呀黃已經傷心斷腸,親眼睇見自己既女人死得咁怨枉,仲要無著衫全裸比咁多人睇到凌辱而去,最後第七日,呀黃先比人放走,唔再需要望住呢個玻璃棺材了,後來呀黃好快就離開呢個傷心地,無人再知佢去左邊
時移世轉,窮人開始抬頭,火紅既年代來臨,有一日陳老闆收到風想逃離時已經太遲,原來呀黃當年離開後去左參軍,之後已經係一個簿有名聲既將領,佢返黎係諗住搵陳老闆算脹,當然陳老闆又點會走得甩丫,但估唔到呀黃以其人之道還其人之身,今次佢要陳老闆既呀媽墊呀黃媽屍底,用同樣既方法照樣將陳老闆既呀媽活生生擺係玻璃棺材下面示眾, 不過呢次輪到呀黃用槍指住陳老闆要去親眼睇住自己既母親咁既方法身亡(至於呀黃既媽係當時啱啱去死,定掘起條屍,就唔清楚)後來陳老闆既錢莊也因此全部沒落了,所謂怨怨相報何時了,墊屍底既一定係好深既債怨,可能慢慢型成為一個毒咒都不為過,陳老闆固然不是,但呀黃既報復又係咪正確,無從爭辯
