都係電台聽番黎既……
事發既時間其實都幾耐之前，
當時事主用既手提電話叫天地線，
即只可以打出，唔可以打入 (覆 CALL 用)……
事主(應該係海關) 當年係駐守邊境
(捉走私客、非法入境)，地點唔係好記得……
事發當晚，事主一個人係荒山野嶺其中一個範圍當值，
駐守既地方生咗 D 好長既草 (大約到大脾位置)，
事主企得耐，就想搵個位坐低，係草叢中見到有舊石突咗出黎，
咁佢就行埋去坐低啦，坐咗一陣……
''鈴鈴'' - 佢個手提電話突然響起，佢個下都打咗個突，
個電話冇理由會響架，頭兩下都唔敢聽，
但係個環境又咁靜，D 響聲其實都幾恐怖，
所以佢就'禁'' 咗打電話個 KEY ，嘗試去接聽……
一把好低沈既男人聲 - <你坐夠未呀？>
佢驚到即刻跑去搵另一個範圍既同事……
第二日中午，事主去返事發地點睇番，
因為 D 草太長遮住晒，原來舊石係個石碑……
