|
大家見我呢幾日冇on,係咪以為我潛左水? 其實我去左芭提雅同曼谷玩 今次係我第一次出國旅遊 亦係我第一次同我fd去 今次我同我另外3個fd(一男兩女,total兩男兩女)去跟美麗華團 好正 真係好正 首先,講下第一日行程先 第一日,我地12幾點幾左右就到左泰國曼谷首都機場 唔講唔知,原來個機場用左45年去起-.- 因為泰國政府好多貪污 貪貪下,搞到而家先起好 所以話就話係新機場 其實入面d野好舊 落機之後,我地就去左老虎樂園 入面好多野玩 主要都係睇野多 有毒蠍女郎la(即係有好多隻毒蠍係d女人身上) 有賽豬 仲有d豬識計數 最後我地仲同猩猩影相tim(但係唔係用數碼相機影,所以上載唔到) 正呀 去完老虎樂園,就去到曼谷既其中一部分,芭提雅 我地去到芭提雅之後,第一件事當然係去酒店LA 搵到間酒店之後,我地就由3點幾抖到6點 落去canteen食野 食完之後就去行芭提雅夜市 夜市真係幾多野行,我地去左一個信不信由你博物館 入面真係好多野睇 有好多係錯覺呀,iq題之類 仲有好多以前古代非洲既野睇 最後個度好恐怖 會突然之間「拍」一聲 嚇到我個兩個女伴係度尖叫 就黎聾咁滯 值得一提既係 個度d垃圾筒好少 而且個個都係透明既 因為,泰國之前有商場炸彈 而家因為驚歷史重演 所以就咁做la 之後我地又去行下夜市la 個度有間好大既商場 我係個度買左對拖鞋同埋帽(冇帶=.=) 仲買左個芒果糯米飯 幾好食@@ 所以買多盒 行完夜市就去食翅@@ 食完就番酒店zzz la 第二日 我地第二日上午既行程係去珊瑚島游水 個度真係好鬼死正 水又清,沙又幼 美中不足既係 d水真係好鹹-.- 我去到個度玩左海底漫步同埋香蕉船 海底漫步唔錯 開頭因為水壓關係 唔係幾適應 後來適應左 就好好多 d水落到去,變得唔係幾清 個度有好多野睇 有珊瑚睇la 仲有得掂d珊瑚 後來仲有麵包餵魚 餵魚個part真係唔錯 d魚行埋黎咬你隻手 好過癮 之後玩香蕉船 跌左落水兩次 個陣先知咩叫做鹹 之後係珊瑚島食完飯之後就番酒店la 番左酒店之後 就洗下腳 之後又出發去做spa la d人推拿推到我好舒服呀-0- 推拿推到6點就去食飯 食完飯,就去睇人妖show d人妖有d係幾靚既 但係,一諗起佢地係男人 就忍唔住想嘔-0- 我地不停係度討論d鹽水袋有冇移位= = 笑死 個個人妖歌舞團叫做Tiffany=.= o左,令我諗起我同學又係叫Tiffany 睇完人妖SHOW 就番酒店睇波LA 睇左利記對唔知乜野 開頭都冇乜野既,之後就係70幾分鐘俾人入左粒 後來利記係80幾分鐘同90幾分鐘入番兩粒反勝 勁呀!! 個導遊原來都係英超funs= = 睇完波就番房訓 第三日 要入番曼谷 去左好多地方參觀 去左個蜜蜂館參觀 買左罐蜂蜜 之後去左騎大象 然後中午食完飯之後 就去左拜四面佛 然後再入中央世界購物廣場度買野 買左兩個布袋(個牌子係naraya,好似好出名) 之後就食晚飯 食完晚飯就去左行曼谷既夜市 個日真係收穫豐富 我買左個porter 只需525baht(原價690baht) p.s:hkd:baht=1:4.16 即係話一個porter只需要100蚊左右… 抵到爛呀~~(正版黎架,有張產品保證卡) 之後就番曼谷既酒店LA 我係個度識左個人叫Jason 我通常會叫佢做Jur神 順口丫嗎 第四日 我地第四日去左湄南河度睇野 條河好濁= = 然後就去左鄭皇廟 個度d亡命斜樓梯只係僅次於長城(以我所見) 影左好多相 去完個度 就去左食lunch lunch去食大餐@@ 去左一間叫sky hotel既摩天大廈 個度係全世界最高既hotel 我地係76樓食自助餐 食完自助餐 就搭lift上83樓 再由83樓行樓梯上84樓 84樓係一個旋轉既area 佢會好慢咁係度轉,俾你可以企係度睇晒成個曼谷 因為個度有鐵窗既關係 我地就係度影左好多張鐵窗邊緣= = haha 去完sky hotel之後 就去左一間叫siam paragon既商場行街 我地去完個度唱k 先知道香港d咩新路呀,綠箱通通都係虧既 我地唱左一個鐘,只需要250baht(4個人既total) 岩岩講過匯率,即係話只需要50幾蚊左右 一個人就大約10幾蚊左右 抵到爛 個度d mon仲要係輕觸式 正爆 之後就去左鄰近一間叫mbk既商場買手信 跟住就番去酒店la 番左酒店,我地就去左酒店鄰近既街邊檔食米粉 一碗只需30baht(即係7蚊左右) 好抵食 食完之後就番酒店 個度有個bar 入面冇乜人 但係就有兩個對音樂好有熱誠既人係入面夾band 我同我朋友就去左個bar度上台jam左幾首歌 好過癮 本身唱歌個個人佢今年已經42歲(我覺得佢似30幾) 佢18歲開始唱到而家 我覺得佢真係好勁 可以堅持自己去音樂既熱誠 因為音樂無論到邊度 都係好難當一種工作 即使當到工作 都唔可以搵到好多銀 我欣賞佢地 唔止係佢地既音樂,歌聲 而係,heart 第五日 最後一日 我地執晒d行李上車 之後就去夢幻樂園玩la~ 個度d野幾好玩la 過山車都唔係幾過癮 海盜船都過得去la 我地仲玩左激流,衝落水個d,仲有鬼屋 整體黎講唔錯 當然,最後一日緊要影團體照la 之後就係個度食完中午就直接殺入機場la 因為有人收到風 話市中心會有人暴動 話唔鋸而家個政府係以前他信個手下領導 要佢落台 之後就平平安安咁番香港la 相呢…就要睇反應la,暫時post住少少先la 想睇玉照向下滾 收左錢先睇la-v- [sell=100] [/sell] [ 此帖被殘影之歌在2008-09-01 22:41重新編� ]
|