IBBS忽然之間多左呢個版...睇完其他POST亦令我諗起好多以前既野~_~....
小一既時候....我非常細膽....好多野都唔知點做..
就喺小一既某一日...miss話放小息..我個人比較好動,就開心到跳黎跳去....就可能喺嗰陣擦過一個女同學...點知..佢告俾miss聽我非禮佢...=_=話我整佢條裙想睇佢裙底...小一...睇裙底=_=依家諗起都可笑..
但係..我太細膽...果時俾miss同阿爸圍著問有冇做過..我無奈之下話有..
然後小一就連續俾同一個女仔話我非禮佢三次...
小二...同一位女同學..我同佢有仇?一位完全唔熟既同學...小一屈完我..
小二就黎屈我偷佢髮夾...有病-_-我嗰時喊著咁同佢講冇...最後佢阿媽黎左學校罵我...跟著我阿媽黎埋...我阿媽就同佢阿媽罵交..
小三...小學真係鑊鑊新鮮鑊鑊金..因為欠左miss幾樣功課....而我上堂又唔乖...俾人罰全年冇小息...
小學我係返下午校..全年都冇小息...你話幾慘
小四....最恐怖既一年...
同一位女同學...依家諗番係咪前世同佢有仇...
某一日既數學堂,我俾miss罰企,就梗係嘈嫁啦,,落堂之後..果位女同學+2位女同學...話我叫miss「miss唔應該做先生應該做雞」
......小四既我仲係非常天真..邊識講呢d野
最後俾主任捉左落1樓....我喊左一個幾兩個鐘...一直話冇,卻只換來一句:「依家有幾個人證,你仲話冇?」
到左之後我阿媽信我冇講去搵主任講...又換黎主任一句:「你個仔已經寫左口供紙啦,唔使講咁多」...明明係你逼我寫...
小五&小六...可能係小四開始有陰影....我同女同學基本上野都冇講多兩句...依然係成日俾人罰企同留堂.
小學既生活對我黎講..真係冇乜好回憶...我討厭我的小學
中學..好運的我派位入左間bank2頭既中學...本來我冇咁好..但係真係好運
但....小五小六根本冇讀書..入到黎呢間...操行唔掂成績又唔掂,可以做到乜呢..最後就意料中事..我留班了
第二年中一..平平淡淡的一年...當然升班
中二..開始同女同學有番小小野講
中三,即係上年,無奈的,...我班個中文miss低低地...而我本身既操行又唔好..我就成日串佢..記佢缺點都起碼有10幾個,其他欠功課.冇帶書又10幾個缺點...
最後導致成績得但操行唔得而留班...
到左依家..我對小學..仍然係非常討厭,我亦冇興趣返去小學..我對女同學既陰影亦都慢慢克服lu...
ibbs既朋友們....雖然唔知你對我個經歷有冇興趣..但係希望你地都會明白我既心情啦~﹏~講左出黎.舒服番d lu
[ 此帖被Qoo在2008-02-19 21:54重新編輯 ]