地上執到寶 [複製鏈接]

地上執到寶 唔知大家試過執街外錢未呢? 可能講大家都唔會信,我朋友屋企人試過哩種事,絕對係個真人真事,話說1991年夏天某一日(農曆七月),我朋友o既爸爸本係係一個做傢私o既木工,o個晚因為收工收得早,於是就三五知己去飲酒,當佢o地散席o既時候已經係凌晨三點,因為已經無公共交通工具,於是佢就call的士,當佢臨落車之際,發現自己坐住一疊銀紙,當時佢又驚又喜,無諗過自己會執到金．

因為個uncle佢本身酒醉,加上突如其來o既銀紙,所以就偷偷o地收埋入衫袋度,後來恐怖o既事接二連三發生,o個晚佢返到屋企之後,佢除o左件外套就訓上床,o個陣佢老婆叫佢沖涼先,後來佢無理到就繼續訓,訓到約莫五、六點,佢發現身邊多o左一個人(本來兩公婆訓,點知多o左個女人同佢老婆夾住佢o係中間訓),開頭佢以為係佢個女(我朋友)入o左佢o地房,到第二日朝九點訓醒o左就問個女尋訓仲咩走入o黎同佢o地兩公婆o係張床度逼,但係佢個女的確無同佢逼床,因為佢個女去o左party成晚都無返到屋企.

到o左十點半左右,佢老婆買完返屋企o個陣就好勞氣咁鬧個老公,原本想幫佢洗o左件外套,點不知發現佢衫袋入面有一疊陰私紙同溪錢,中間仲有一張紙條寫住「感謝你,我會以身相許」,佢老婆開頭以為老公做o左老淫蟲,仲俾女迷住所以用陰私紙換走佢d真銀紙,後來佢同老婆呈清係o係車上執到,而且愈諗芍愈唔對勁,因為尋晚身旁多o左個女人...

佢老婆立刻叫佢唔好講,又話佢傻o左無理佢瘋言瘋語,於是當晚如是者兩公婆一齊訓,到o左半夜佢又發現多o左個女人o係身邊,又係兩個女人夾住佢訓,話口未完佢老婆轉身見到老公標冷汗,開著燈睇下老公發生咩事,當時uncle成身彊硬郁唔到仲暈埋,佢老婆就call白車送佢入醫院.住o左兩晚之後,佢同老婆講返暈之前見到身邊多o左個女人,而且仲要無五觀o架,所以佢嚇到暈低o左.佢老婆就問d三姑六婆點化解老公個劫,於是就想做d法事趕走隻鬼,無奈隻鬼想搵頭家唔肯走,過o左一星期之後,女鬼o既家人同佢o地聯絡,話要嫁俾uncle,當時佢老婆絕之反對,因為唔希望有隻鬼分o左半個老公,後來佢o地一家都唔願意辦冥婚,後來隻女鬼連續嚇到佢o地一家人半死,而uncle亦嚇致精神病...

原本一家三口過得好好,點知為o左一時之貪,攪到屋企無日安寧,最後aunt帶埋我朋友移民o左,哩件亦無o左下文.突然好懷念細個o個陣d人成日講一句說話"地上執到寶;問天問地羅唔到",但係有時亂咁執野都未必係一件好事。