今日對塞爾特人呢場波，
火箭徹底輸左，而關鍵相信大家都好清楚，
就係三秒區既統治能力。
塞爾特人係呢場波明顯主導內線，
柏堅士、KG、Powe、Big Baby可以話係輪流SM火箭既籃底，
Scola、Hayes等人冇揹位嗎？唔係，可惜係佢地太矮；
莫湯保係有能力「支撐」火箭內線，但係以佢既年紀，
如果要係激烈既內線同敵人周旋，又能夠打幾多分鐘呢？
好多人話冇姚明都打得出廿二連勝，
所以姚明雖然未至於雞肋，但亦非火箭必然之選。
事實上，又有幾多人睇到T-MAC傷後，姚明在陣既時候，
火箭何嘗唔係有流暢既進攻？！
姚明在陣，除左令火箭有多一瓣籃底進攻外，
更重要係佢幾乎每一場都能夠引黎夾擊，
還記得今季作客對塞爾特人既比賽，
T-MAC不在陣中之下，
雖然場波都係輸左，但係姚明點樣屈綠軍既籃底、點樣令柏堅士及Polland六犯離場，
呢樣係火箭陣中冇人做得到；
另外，T-MAC近兩場明顯回落，球隊陷於劣勢時，亦未能挺身而出，
呢一點令我有些小失望。
但係要注意一點，T-MAC始終都係聯盟得分能力最Top果幾個後衛，
佢係火箭除左得分、助攻外，就係比到一個信心隊友，
可以放心交比佢負責最後一擊或者係彊局時嘗試突破分數。
如果要勉強入季後賽，火箭可能只需要Yao或T-MAC，
但如果要排名更高、甚至突破首圈，
Yao及T-MAC，缺一不可！
