我上次講左個「超」字,之後我阿媽無啦啦話「係呀!我死*左你好*好呀!」
「超」同「死」完全係兩回事- -
岩岩原本我要去我阿姨到
之後我話「都唔知去黎做乜」果陣我講得好大聲既
之後我阿媽話「咁你係到做乜*呀,講野咁*細聲!」
我懷疑佢隻耳有問題 .\ /.
跟著我出到門口,我又話「去到果到咪又係坐~」
我阿媽又鬧「咪*去囉!」
一時又迫人去,一時又叫人唔好去
都唔知佢想點...
我成朝都未食過野
我話落街食,佢又話去到屯門(我阿姨住屯門)先
大窩口去屯門都差唔多1個鐘啦
落街食野要幾耐姐
ps.「*」係粗口,都係同一個字
頭先我老豆係電腦"台"下面拎野,之後我咪縮腳囉,咁好正常姐
之後佢話「你縮咩腳呀,攞緊野呀」
以前...我唔縮腳果陣,佢就話「縮腳啦,阻住晒」
唉....都唔知佢兩個想我點既
係又鬧,唔係又鬧
灰晒囉...
[ 此帖被牙暗在2007-12-16 14:50重新編輯 ]