唔知道大家點睇粗口呢樣野呢?
大家認為粗口有無品?
各位投票之前
可以睇睇以下我對某些人所講既野既睇法
以下quote係本壇某位版主所講:
老實講粗口有咩問題
粗口只係發洩感情的一種方法
更可強調自己
更何況粗左又如何
粗爆又唔會影響個正確與否
請問各位
要發洩感情同強調自己一定要講粗口?
一件唔會影響正確與否既事係咪就可以做?
咁睇下係法庭上面大聲講粗口
有無人告你藐視法庭?
你可以話:「我無影響案情喎」
某位會員反駁:
「粗口冇問題?
爆粗雖然係唔會影響個正確與否
但會影響人地對你的印像
人地對你講粗口,你會開心咩?...
講粗口,可以話係影響人品,沒有文化
如果係真係冇問題,點解d學校唔比學生講粗口?
有文化的人點解唔講粗口?」
呢位版主又話:
只能說你未見過世面
我想請問呢位版主:「你見過乜野世面?」
恃老賣老嗎?
連尊重別人呢個由細講到大既道理都唔明
我覺得最好所有人都唔好見世面囉
呢位版主又話:
如果條友唔係太膠會有粗口嗎
請問人地「膠」就要講粗口嗎?
定係呢位版主除左粗口之外
無任何詞語可以代替?
或者文化水平較低?我不知道
以下quote係另一位會員所講:
爆粗可以話你無文化
但係同無品完全2回事...
講粗口....咁唔尊重人
直接顯露出個人修養,文化,品格
何以見得同無品係「完全」兩回事呢?
只是個人問題
有人說話彬彬有禮...
你會覺得佢有修養
有D做粗重工作
日日食煙飲酒講粗口
只是宣洩自己...
夾BAND都大把人舉中指講粗口
只要把自己做好便行...
不要把世界看得太完美
沒錯...講唔講粗口只係個人問題
同樣...講唔講粗口顯示出個人品格,修養
「做好就得,過程唔理」同埋「講粗口」
你用唔用以上兩種方法既選擇就係品格,修養既問題
如果唔好將世界睇得太完美
咁又憑咩去批評別人呢?
同樣
我唔會回應某d我認為不合理既反駁
因為咁樣都唔會有結論
我都唔希望呢個主題會討論得太過激烈
希望大家遵守版規
(如果我本身講既野各位覺得太差勁,本人深感抱歉,敬請原諒)
[ 牙然在2007-04-07 18:24重新編輯此貼 ]