當我地仲係小學生個時會講同做既野 [複製鏈接]

１．記得ｄ同學會問：「你有無老土眼鏡？」
　　當我答：「無呀．．．」
　　ｄ同學就話：「下．．．你無腦無肚無眼無頸ｇａ？」

２．記得果時成日講一首打油詩：
　　「包青天講故仔，
　　　公孫先生扮女仔，
　　　展昭哥哥追女仔，
　　　王朝馬漢生個仔，
　　　張龍趙虎幫你湊仔。」
　　我仲記得我同我幾個同學講左成個小息．．．

３．同ｄ同鬥大鬥多的時候，例如：「我多你１００倍呀！」「我多你１０００倍呀」「我多你１９７００倍呀」最後一定會講「我多你無限倍　呀！」就算定左規舉話唔準講無限都一定會講．．．死未？

４．成日講野都要加個「相反詞」呢個ｔｅｒｍ，例如：「你好樣衰．．．既相反詞既相反詞既相反詞既相反詞既相反詞．．．」

５．見到同學會話：「無見一日．．．肥左又瘦左，高左又矮在，靚左又丑左ｗｏｒ！」

６．成日郁ｄ就會講絕交，但係就唔會絕多過３日。

７．成日都會傳人地邊個鍾意邊個，女仔就會比人叫咩太咩太，如果個女仔真係鍾意果個男仔，就死口都唔認，但係會陰陰咀笑。

８．就得有一次個男仔摸左個女仔塊面一下，傳到我隻耳度，個版本竟然係：「個男仔咀左個女仔塊面一下呀！！」事實証明，小學時代真係可以好誇張．．．Ｏ晒

９．咩都話老師係岩，老師教咩都係岩，其實都唔知係咪真係岩．．．

１０．又有一首詩：
　　　ＯＮＥ磨ＴＷＯ磨
　　　屎忽大過波蘿
　　　中間有粒的
　　　好似朱古力
　　　食左會生”漬”
　　　

１１．仲有～就係成日食媽咪面（電視有買果隻），舊版係橙色ｇｅ，食果時仲一定要落果包味精，食到尾果時真係咸到標眼水．．．但仲要食晒為止．．．


１２．剛剛上小學果時，轉堂一定要伏在桌上，等老師黎，但係大下大下就絕對唔會咁做，但係會有人「睇水」，老師差唔多黎到就扮乖．．

１３．考試考得唔好，返到屋企阿媽問成績ｇｅ時候，總會同阿媽講：「全班都係考成咁ｇａ，我ｄ成績已經好過好多同學ｇａ　ｌａ！」但係其實只係好過幾個同學．．．

你講的13樣,有10樣我中哂=_=

仲有 話人姐係話自己= =
e句我間學校d人唔夠人講就會講e句野

中學生唔會做嗎?

引用第3樓鋼鍊於2008-08-10 13:40發表的  :
中學生唔會做嗎?

唔會

引用第4樓神‧嵐於2008-08-10 13:53發表的  :
唔會

點解呢?中一可能會

引用第5樓billyzhang1於2008-08-10 16:18發表的  :
點解呢?中一可能會

我唔會

引用第6樓神‧嵐於2008-08-10 17:27發表的  :
我唔會

me2

非常同意
13樣我12樣中
得第二樣唔中

第一樣：我之前小學戈時比人問過

第二樣：未聽過- -

第三樣：我之前小學成日講

第四樣：我個FD"仲講緊- -差吾多係個個FD"都有講[[只不過係講你好令仔,,既相反詞之類]]

第五樣：我自己講開- -

第六樣：我個FD"係暑假前幾日嬲左我- -衣家暑假打電話黎哄返我仲問我假暑期作業黎抄

第七樣～第九樣：不詳

第十樣：我小學成日講,,,不過衣家吾記得左- -衣家記得又想講

第十一同十二樣都係不詳

第十三：我衣家仲係咁- -


事實證明- -我衣個中二升中三既學生同小學生冇咩分別

12我到而家中學仲係咁=_=

引用第10樓糯米滋於2008-08-11 10:30發表的  :
12我到而家中學仲係咁=_=

糯米滋原來你到中學都仲要伏在桌上,同老師講我好乖o架.....(速逃)

我小學個陣冇人會講呢d野的-.-

除左二，六同十三其他中哂-_-
題外:話說我同奧龍-owen絕交左半年

引用第11樓qqpatpat於2008-08-11 10:39發表的  :
糯米滋原來你到中學都仲要伏在桌上,同老師講我好乖o架.....(速逃)

又未至於伏在桌上=_=
只係唔講野姐

真是勾起我好多小學的回憶......

都中左幾多@@諗起都覺得有點無聊= =

你說的,
大部分都中,
想起也覺得幼稚,
當然有些我中學還會這樣做

得2唔係個個做過

我係小學生 , 但係我唔會做呢d野 = =