通常佢駕的士，唔敢接著紅衫0既單身女仔。因為初初駕的士0既時候，有一次差0的領0野， 而家諗返都驚。記得0個晚係除夕，食完飯之後老豆先開工，第一個客係個著住紅衫0既女仔，叫佢由九龍車去和合石。老豆已經覺得唔多老禮，新年流流去和合石呢種地方，萬一一開年就撞邪點算!? 我老豆即刻話：「我唔熟路，唔熟新界點去。我車你去新界區，你再轉新界的士。」個女仔話冇問題。一路佢同女仔特別好傾，女仔話佢屋企人住0係0個度附近，今晚應承返去食團年飯，所以而家要趕返屋企。老豆讚佢係孝順女，個女仔突然講0左句話：「遲0左喇。」「遲咩？」「遲0左孝順佢0地囉。」「你仲咁後生，大把時間照顧父母喇，你父母應該好後生，唔過五十0卦！」「60幾歲左右。」「唔係呀，你都應該得10幾歲0者？佢0地60幾？你有好多兄弟姐妹？你排第幾!?」「佢0地只有我一個。」「咁佢0地好遲婚呀？」「20幾歲左右喇。」我老豆已經覺得好唔對路，効倒後鏡睇到女仔一直耷低個頭，面青青咁，個樣就睇得唔係咁清楚。「小姐，你唔舒服呀？」「係呀，你可唔可以直接車我去呀？」我老豆心慌慌，但又覺得女仔冇咩惡意，就順佢意，直接車佢去和合石。到0左和合石附近0既一條馬路，女仔話要落車，老豆停低架車俾佢落，錢都唔敢問佢羅。女仔落車0個陣時，老豆由倒後鏡偷眼望佢，見到個女仔淨係有上半身，下半截就完全唔見0左，効半空中慢慢咁浮動。老豆嚇到即刻踩盡油門，飛箭咁標返鬧市。去到的士佬食宵夜0既地方，佢先敢同行家講呢件事。舖頭0既人竟然同佢講：「呢單0野傳0左好耐啦，你唔係第一個。個女仔應該係叫阿絹，佢以前住0係呢頭附近，屋企靠佢一個人做車衫賺錢，20幾年前，年30晚趕返屋企時俾車撞到，咁就死0左囉。唔知點解佢仲一直做遊魂野鬼……」自此之後，老豆離遠一望見著住紅衫0既單身女仔，就急急腳兜路行啦。
