呢幾日,感冒病毒真係好勁,好多人中招,當然我都係啦.(唔係H1N1)
我咳到死咁,所以就忍唔住去睇醫生.
咁我咪搭西鐵囉,咁岩我記得西鐵線新開左個
尖東站,就諗住試下佢可以幾快出到去.
咁買左票啦,搭車,出發!!!
去到,睇番個鐘,原來都唔洗半粒鐘.幾快.
諗住出閘啦,點知我出極都出唔到.
佢只係彈幾隻字比我:車票失效,請到xxx更換
唔係呀fa?你點搞?我信哂你張野呀!
咁我入左n次,最終都係放棄,去換~
佢比左張出閘專用票我.
咁我就出閘囉,點知佢食左我張票.
唔係嗎?又食?我就立即去問個西鐵大使點解會食票呢?
點知佢答我話:係呀,尖東站係要出左閘之後再買先得ga.
我就問:但係我買左張單程去xxx站的票wo!
佢答:咁你再買過啦,呢度就係咁,唔可以用單程去其他地方的票出閘
出左就食左你個張.如果你下次落車轉車的話咪去其他站囉.或者買尖東咀的
票去到呢個站再買囉.
咁就食左我個17蚊....
西鐵點搞?乜尖東站出左閘之後要再買票咩?
未聽過=[佢又冇公布比我地聽....
姐係逼我地要係其他站落左先姐.....
咁都仲未夠衰,我買左張單程去xxx站的票.
我係有資格可以出閘再入番轉車嗎...佢唔單止食左我個張
仲叫我買過第二張.,...
真係...=[