而家睇下榜尾既形勢:
排20既西布朗,得25分,可以話係執定包袱走人都得
排19,18既米堡,紐卡素,兩個而家同樣都係30分,紐卡素以較佳得失球壓過米堡守住18
排17既新特蘭,係輸左俾曼聯之後而家得32分,多排18,19既米堡,紐卡素2分,仲係好危
排15,16既布力般,侯城,有34分,比較安全
而家最主要睇番既係排19,18既三枝球隊:米堡,紐卡素
米堡同紐卡素都係英超既老油條,落得如斯田地,真係十分可惜
講左米堡先,米堡今年既戰績真係好飄忽,贏到利記2球,但係又輸到俾車仔5球
未來佢要對既對手有:富咸,阿記,曼聯,紐記,維拉,韋斯咸
富咸個場真係好難講,話晒對手都唔係廢,但係又打緊風流波
阿記個第四都好穩陣,又係風流波
曼聯就唔駛講la,要同利記爭英超,所以好大機會輸
紐記呢場又係五五波,雖然自從舒利亞上場之後錄得1和1負既成績,但係話晒個陣容都係ok,只係因為d內部問題(遲下係紐記篇再講)
維拉又係要同愛華頓爭第五,所以都好難可以搶到分
韋斯咸同富咸一樣
講到紐卡素,呢個真係一個悲劇,內部問題多多,季初既基瑾事件,仲有堅尼亞身體有問題,都對球隊造成好大既打擊
再加上領導層無能,球員好難集中去踢波
佢地自boxing day個日淨係贏過西布朗3:2炸=.=
其實,陣中有唔少好有水準既球員
例如係去左曼城既基雲,去左維拉既占士米拿,打前既奧雲,馬田斯,破左雲達沙不失球記錄既盧雲卡蘭斯等等
但係都因為士氣問題踢唔出水準
而家紐卡素老闆仲出動埋獎金
贏一場波有十萬磅
護到級就有幾百萬磅
再睇番跟住落黎既對手:熱刺,樸茅,利記,米堡,富咸,維拉
熱刺個場又好難講,因為對手都係打風流波,屬於五五波
樸茅同紐記都係要搶分護級,所以都係五五波
利記唔駛講,要同曼聯爭英超,所以個3分應該閔水
米堡同紐記,呢場應該好精彩,兩隊都係要搶分護級,屬於困獸鬥
富咸同熱刺一樣,都係打風流波
維拉:no comment-.-
summary:紐記同米堡都係英超既老油條,如果紐記降左班既話我覺得真係好可惜(coz我係紐記fans),所以唔該新特蘭同米堡讓下位la,去下英冠唔會死既
,但係紐卡素降班既話分分鐘變成另一個列斯聯/修咸頓
p.s:米堡,紐記同新特蘭都係屬於東北部既球隊黎架