引用第13樓糯米滋於2011-07-10 15:07發表的 :
拎槍個下我真呆左
佢拎剪刀你就拎槍…咁佢拎生果刀你係咪要call成team飛虎隊??
拎豬肉刀call反恐呀??
小題大造
.......
基本上一個正常市民比人抄牌幾串都好咪疾阿SIR兩句,
但係呢兩個人就情緒十分激動,好地地你拎乜剪刀?成呎長wo,你估講玩嫁?
坐係車就冇攻擊性?姐係把野係痴實係佢隻手度?佢可以掟去你度家嗎,
先唔好講中唔中,不過危險一定會有,一個唔好彩有可能會死添(你唔可以排除咁岩掟中大動脈/喉嚨etc.)
對住手上持有武器而情緒不穩定既人,比你係個警察,你都淆底
況且個男人聲稱曾經推開過個警察,姐係話佢地當時既關係十分緊張,
已經唔止口角咁簡單,連手都動埋
係警察立場,佢感覺到有生命危險,咁法律"付"予佢權力拔槍
好喇,佢拔槍喇,佢叫個女人放低剪刀,咁個女人放低喇wo,咁姐係果下個警察冇即時生命危險啦
所以佢見到女人放低剪刀後就收槍,拎番警棍
整件事十分合情合理,警察唔係冇錯,而且佢真係有入車搶剪刀的話,仲要十分錯添
不過你地一面倒話警察錯,真係對佢好唔公平有咩補充/反駁既,我十分歡迎,我希望係理性討論,我見到既一定會回覆