我完全收到樓主對LFO既熱情(真的),我以前都係玩LFO(當然冇樓主咁長,小四到中一)
個陣我都係睇到d fd玩先玩,雖然入面d角色d樣好容易比我某部份同學話低b,但係我都冇所謂,
因為1個game既角色既樣唔係最重要,最重要係佢地有冇心整隻game出黎比玩家充滿歡樂!
但係隨著時代既變遷,U1將錢放得太重(如有搞錯請多見諒- -),
不斷整d勁裝出黎吸引玩家去買(正常生意手法),但係佢唔知因為咁而衍生出整bug裝,做外掛既人,
而且更改動招式,令到d招式變得好廢,咁樣唔單止令到個角色失去佢既獨特性,
更令部份人離開LFO(我係其中之一), 我都唔想咁輕易放棄呢隻好game,所以曾經再次玩番,
但係佢改到d人物招式...好似迪倫咁,招野明明好地地,冇啦啦比佢搞到勁廢,但係我唔會咁易放棄,
但係我知道左1件事之後,我對佢完全死心......之前有魄力枝C(增加人物格)既數量既野,
我用左我辛苦蓄番黎既錢買左6個(分開買),當我一個禮拜入一個個陣,仲係好地地,
d人物格不斷多1格,十分正常;但係,我回到LFO既時候,7個人物格只係得番4個
(我玩開band,7個過晒150lv),我辛苦打番黎既邪鬼,冰尊,達爾,陸道,天尊,龍翼EX消失晒,
只係淨低4個角色...我曾經問過佢地,佢地話淨係可以入一個,但係本身都冇講清楚,個時仲好正常
點解會變成咁?將玩家辛辛苦苦打番黎既江山一次過清走晒,係那個時候,
我已經對LFO死左心,當然我都會有時黎睇下有冇變好(唔多覺有),嘗試接受多一次
不過.....我而家真係好失望,樓主所講既野我睇晒,深被打動,雖然我唔想睇咁多人回覆,
但係我衷心希望LFO重見光明,為我地真心愛LFO既玩家改變........
