尋日最後一日我同我fd都有去
主要係買新既X-card,但唔明樓主點解會係40蚊抽10次
因為我同我個FD係去揀卡唔駛抽...
我同個四眼哥哥講,我話比80蚊係咪可以揀,佢話無問題
之後我叫佢攞個罐出黎,我攞哂裡面D卡出黎慢慢『揀』,係揀唔係抽
我揀埋最後果張真龍百烈拳,再揀爆烈真龍波,屍毒血素同暗星漩渦。
之後本來見到仲有最後一張既天火結晶體,我揀左出黎果時我個fd無啦啦搶左。
我即係爆粗鬧佢,但最後比佢攞左,都算啦。
之後又有個四眼仔同佢果位同事講,係比80蚊『抽』架喎,我心諗:『抽你條毛咩』
之後揀完果四張後,果位人兄話你要買埋U1-Tee先可以比你咁揀,我話無所謂。
但佢攞左四件U1-Tee出黎後,我同佢講:『我買左果D U1-Tee係比我揀卡,但係我買左後要卡唔要衫,件衫比返你地得唔得﹖』
佢話:『當然得啦!你話點都得。任你UP架者!』
之後順手比左$320就走人,我FD就攞左天火結晶體,黑龍煉獄焦同暗星漩渦。
臨走仲見到佢個罐仲有幾張煉獄焦,暗漩,一張屍鬼魔棺,屍毒血素,幾張滿月斬,爆裂真龍波同其他閃卡。
之後同個fd兜左陣見到朱總走出黎,我地就問左朱總兩條問題。
第一條:
問:點解黃金之蒼龍果D唔係現卡黎既﹖
答:因為我地仲未設定好張卡。所以全部都係信封。
第二條:(呢條分別係問過朱總同其中一位四眼哥哥)
問:點解LFO漫畫唔出,會唔會再出返架﹖馬遜唔畫喇﹖
四眼哥哥答:可能老細覺得無錢搵,所以唔再出。亦可能係8年後再出 (聽到佢話8年後我O咀
,我聽錯﹖)
朱總答:馬遜佢因為返左大陸,所以一直都無漫畫出,如果出返有機會會以第二部形式出,幾時出就睇下咩情況。
(以第2部形式出馬遜之前都同我講過,而家朱總都咁講,唔通有機會出返﹖但係用第2部形式出即係飛哂第18期果D故事??)