我同事好耐以前係住南丫島的, 佢話原來D 離島都會有好多靈異嘢, 有時有D自殺CASE 都無上報. 有一次, 我同事去完街返屋企, 因為佢唔想兜一大條路, 會視乎當日心情 (會唔會有D 驚) 決定行唔行小路 (捷徑) 返屋企. 果日佢就抄捷徑, 條路都窄窄地, 只夠一個人行, 兩旁有樹遮擋住個天空, 但唔係太高, 舉高隻手差都幾乎可以掂到, 條小路兩旁係草地. 我個同事一路行, 其實都幾黑下, 只係靠D 街燈照明, 但燈既距離都遠, 唔係太密. 佢行行下, 見到迎面相反方向嚟緊一個阿婆, 寒住背, 個頭耷低, 札著個髻, 身穿好似以前D 馬姐 (工人) 咁既上身似旗袍, 下身係褲, 有碎花的, 同埋一對黑色布鞋. 佢見到阿婆行得都好慢, 條路都窄, 所以我個同事就企落個草地度讓佢先行過. 佢同事垂低少少個頭 (因為佢都驚自己係見到果D 嘢唔敢望住) 企咗一陣大概5分鐘度, 發覺阿婆禁耐都未行過, 再抬頭望…………個阿婆唔見咗…….. 佢就知自己見到D嘢了, 即刻合埋眼飛奔返屋企. 之後當晚就開始發燒, 病足一個月, 後來佢阿媽幫佢去問下日腳, 就知佢係撞到污糟嘢, 之後化咗D 嘢就無事了.
