話說2004年左近, 小弟公司接左間丁屋工程, 地點係西貢清水灣附近, 村名就不便公開, 當時個男戶主盡細過我, 不過都見怪不怪 (因我都係咁), 去到要係屋個度, 問佢攞地政處文件及圖比我地睇, 點鬼知話佢未有, 咁我地當時就話唔會違例建築, 除左你有証明文件. 咁我地拉大隊就走啦, 點鬼知未到村口, 老闆電話到, 就比佢鬧到狗血淋頭.. 原來個男人打電話去投訴..我話佢乜都無, 我地開工會犯法. 地政處過來charge我地好鬼麻煩. 最后老闆收左人錢都要做. 咁同判頭交帶一下就可以, 間中就返去睇下進度, 工程預期三個月左右交貨.
咁差唔多左一個星期, 個地基平整都差唔多做完, 咁小弟返去望下進度, 跟手就同判頭傾下又咩野啦, 個判頭就話都無乜野, 幾順利, 不過就話有個公公成日來地盤睇佢地做野. 都唔係好特別, 可能係戶主屋企人褂. 時間又過左一個星期, 某日判頭打電話叫我去地盆, 我在電話問佢咩野啦, 佢就話你快趕過去睇下. 去到地盤, 真係大吉利是, 原來個度有個金塔埋係個度. 中國人最忌郁人山墳. 望到咁情景, 唯有叫戶主過來處理, 以我就叫判頭先停工, 等處理完先再開工.
但係過左唔夠兩日, 個男戶主打電話比我, 話攪點晒, 叫我安排復工, 我心諗, 咁快就攪點.? 都係唔好理人咁多, 早D開工, 早D收錢.. 咁就叫番個判頭返去復工. 點鬼知班工人唔係發燒就肚痛, 一係就比野扑親頭, 一係就比野整親. 攪到成日都要去勞工處解話. 以我老闆就鬧到狗血淋頭, 呢單工程真係黑過墨斗, 為怕再出甚麼意外, 小弟決定去地盤跟近D.
在地盤頭幾日, 見班工人無事無幹, 可能係巧合褂, 但係就留意每日差唔多同一時間就有個公公婆婆係傍晚就會出現係地盤. 我問班工人, 個兩個公公婆婆係唔係日日都離, 佢地話係呀, 由開工第一日到依家每日都係呢段時間出現.. 我聽完就無再理落去, 可能個兩個係村內的老人家, 得閒過來望下.
有晚訓覺, 係朦朦朧朧中, 應該係夢中, 我入左一間用傳砌的舊屋裡面, 以屋裡面就見到個兩個公公婆婆係度食飯, 盡問我一唔一切食, 跟住就砸醒左.. 點解會係夢中見到佢地呢. 咁奇怪?
到第二朝去地盤時, 係村口士多問下人, 個撻地之前係乜東東啦, 開頭士多老闆都唔想講, 但係其他人就無佢咁密, 原來個撻地之前係放金塔, 因為村內無地起丁屋, 所以就將金塔搬去第二處. 唉, 聽完就明白晒點解咁唔順利啦, 返到地盤, 我就認真望下撻地, 班工人就問我搵乜, 我就話可能盡有金塔係到, 以個班工人都跟我都有三四年, 所以佢地見怪不怪.
我係個地盤行左幾轉, 都無乜頭緒, 咁諗下發夢個陣時個兩個老人家食飯既位置, 咁就叫班工人幫手挖下, 點知一挖就中, 盡打孖兩個金塔. 咁當然又係叫戶主處理佢地.
后話: 近排有事, 去返個條村, 見到個間屋出售, 咁到士多八下, 佢話個家人一搬入去, 個男戶主不久就係村口附近交通意外死左, 另外個佢老婆就無啦啦有精神病, 依家就係葵涌醫院長住, 重話個間屋夜晚經過會有怪聲.. 我係到諗, 要做我地做晒啦, 唔通又特別理由?
