上年夏天既時候有次媽媽聯同另外五個朋友,入左十八鄉一個叫陳太既屋企,因為果度有種植左好多果樹,所以佢地亦都有探摘同玩樂一下, 最後屋主陳太就叫大伙兒入屋,佢就親自下廚,其他人包括蛇媽就四個人打麻雀另外兩個就坐係隔離睇.當打到南圈既時候 大家棟牌之際,發現無左一隻牌,咁全部人都周圍去搵,地下,柜桶等全部都無,佢地好惆悵之際, 有個人 話,唔係係番個麻雀箱入面丫嘛(個麻雀箱係佢地張枱隔幾步既距離),於是眾人就去打開個麻雀箱蓋,"吓,點解有隻白板係度架" 當時各人都好奇怪,無理由打打下會少隻牌而漏左係麻雀箱入面架嘛,之後蛇媽就對空氣話"哦無野既, 大家一齊玩咋嘛"執完牌之後,佢地繼續照打,大約打到北圈時,棟牌時又發現少咁兩隻牌既,當時已經有人話"唔係咁邪丫嘛,唔通又係個麻雀箱入面?" 於是又走去開黎睇, 結果發現入面真係正正有兩隻白板!!! 之後雖然果時係下午三點幾,但佢地個個都覺得突然間好涷,咁既情形你話仲打唔打落去???當然唔再打啦,呢個時候屋主陳太煮完野食出黎,佢地就話打完啦,拿拿聲食完就閃人,陳太仲問佢地點解咁快打完既唔打耐d??佢地無人敢同陳太講咩事, 因為呢間屋陳太幾年前先住入,陳生久唔久先返入黎住,成日得陳太一個人,佢地唔想嚇到佢, 況且陳太同佢地講好like 呢間屋覺得住得好舒服,佢地就無謂多事了
結果除左蛇媽肯再次入去,其餘人話打死都唔再去呢間屋
