話說幾年前有一晚.我地三對情侶冇野做.就有人提議上藍地水塘玩.(個陣時都成3:00-4:00am)
跟住我地就膽粗粗上左山啦.我一直行上山都見到冇乜野既.但係差吾多行到水塘個時.就見到周圍都有好多芭招樹
咁我個人就好驚呢d野既.咁其實我地個個都好驚.咁又無理由黎到又走.咁我地就行啦.
行行下我見到地下有d好似金塔咁既野.咁我廢事佢地驚.咁就冇講到.(因為個到都好高下.如果佢地一驚就會亂晒.我驚有人會跌落山)
咁行下行下.我就見到我地其中一個男仔踩中左個個''金塔''
跟住我就同佢講:陣間落山我同你講d野,你吾好驚.
咁佢就話:吾驚啦,你而家講啦.跟住我同佢講你岩岩踩中左個金塔.跟住佢另轉面睇下個地下.跟住就一路大叫一路拖住條女跑上山.
跟住我地叫佢吾好跑.陣間跌左落去真係乜都冇.咁就黎上到山頂個時,我同我女友坐左係下面舊石到食煙傾計啦.跟住佢地就上晒去.
跟住我地傾左大約5-10分鍾到.又聽到個男仔大叫.佢又一路大叫一路拖住條女跑落山.跟住我地三對情侶都跑晒落山.
一直跑跑到落富泰.咁坐低左.跟住我地就問個男仔做乜跑.個男仔話佢係山頂傾傾下計.見到有個長頭髮既女人.跟住佢問人見吾見到.個個都話見吾到.跟住佢覺得吾對路.就跑.
事後我朋友病左成個星期.其實我都吾知個個係吾係金塔黎.因為我朋友話佢就到水塘個陣係d樹下面柯左篤尿
