西貢朋友呀成十幾年前發生一件往事,叫佢而家都深刻銘記,話說呀成有一個好朋友名叫小偉,當年小偉同佢呀哥合作攪電子零件生意, 誰知生意不境氣,欠下一屁股債,呀哥仲走埋佬,留底小偉收拾爛攤子,果時佢十分之唔開心情緒好低落,呀成同其他朋友見佢咁, 就約埋一齊BBQ 開解佢,之後佢地全班就去蠔涌一個朋友屋企度BBQ,果日係星期六黎,佢地一路飲酒一路吹水燒野食,席間發現唔夠酒飲,小偉就請纓自己楂車去買(當時飲酒駕車情況時常有,法例都捉得唔嚴謹)當一段時間過去, 發現小偉都未返,CALL 佢又無回應,呀成佢地又楂自己部車出去搵佢, 去到北圍有一度時,發現左有警察同埋救傷車,再望一望咩事,發現小偉架車原來撞上棵樹度,仲有焚燒過既痕跡,呀成同其他朋友都好驚知道發生左意外,但又唔知點算好,後來佢地往醫院查探, 知道小偉撞上棵樹脫身唔到,架車又發生爆炸,佢當場監生被燒死
後來小偉既葬禮早早就完成,一來無咩親人,二來又面目全非.熟既朋友好多都知呢個消息,但總有D無咁熟同少見既就唔多知道
有一日呀成係街撞見朋友A,朋友A 同佢講前排見到小偉係碼頭度好悶悶不樂既樣子,A 之後走埋去,佢地對答如下
A: 仲乜咁唔開心呀,同條女嘈呀
小偉:我返唔到屋企呀
A: 同屋企人嘈呀?
小偉: 苦笑,(另頭)
A: 唔好咁啦話哂屋企人黎架嘛, 有咩事四四六六拆掂去囉
小偉:你唔明咁多架啦
A:咩唔明唶,拿, 食口煙先
小偉: 唔要啦, 多謝哂你先
之後A 仲同佢吹左陣水先離開
但後來成同佢講小偉已經死左,A 見到佢既係幾時, 發現原來係小偉死左之後既星期三
A 堂堂嚇到面都青,成個人震哂,即刻佢活見鬼 !!!!
後來原來仲有另外兩個朋友係碼頭見到小偉,分別係佢過世既星期四五,即係佢一路都係附近徘徊(因佢住係碼頭附近既樓度)
呀成同幾個FD 百得不思其解,突然有一個人恍然大悟,馬上叫其他人上小偉生前既屋企, 原來間屋只得番小偉同佢外甥女同住, 原來根據習俗回魂果段時間係要用紅布遮住神位祖先同鏡子,但佢外甥女唔識咁多俗例,無做到,所以佢地幾個上去幫手用紅布再遮住呢D 野,之後都無再聽過小偉既"人" 係屋企附近出現了~~~
希望小偉能夠得到真正既安息吧
