話說肥蛇姊以前係一間家族生意既公司打工,有父母親及三個仔,佢地係果行既行業算係翹楚,所以公司收入都唔錯及隱定.大約有一年(可能係十年定十幾年,我唔太記得年份)佢既大老細(老父)病得好嚴重,住左係醫院都有幾個月,生意就交比二仔及三仔了.咁啱果時大仔係外國返黎探老父,之後原來三仔買左部超級跑車,之後就諗住載埋大哥去遊車河,點知係某條隧道出左事,炒車,大哥死了(呢件事報紙都賣頭條,因為吹噓到架車成四五百萬既)事後佢地暪住係醫院既老父,唔想刺激到佢,所以無講大哥死左呢件事出黎,後來大哥既身後事攪掂哂後,到老父因病太嚴重,而撒手人寰.短短一個月內無左兩個家人,何謂禍不單行
之後老闆娘就托人,去左一個住係元郎既問米婆度,想問下佢老公既近況,當問米婆一上到身先,第一句出聲就係話"呀家(潮州話,平時佢老公對老婆既稱呼") 唉,你地唔洗呃我啦, 原來呀大仔已經唔係度,同我同一個月去既,我係下面撞到佢,原來佢仲早先去過我既,"當時老闆娘聽到目定口呆,因為老細到死前都以為佢大仔返左去外國趕唔到返黎睇佢最後一面既,之後上左身後既問米婆繼續講"係邊度有條鎖匙,你再去邊度既柜桶,入面有D 野你地拎埋去啦,我都係比哂你地架啦"之後就走左,老闆娘覺得好神奇,問米婆既語氣都佢老公生前一模一樣既,完事後就返屋企, 真係搵到條鎖匙, 再去另一個柜桶度開黎睇下, 原來入面有股票,金飾,同D 貴重既野 ,佢地家人事前係無人知有呢個柜桶裝咁多野既.
不過多年後佢地全家都遭到巨變,全盤生意無左不單只,仲好多大獲野,不過呢D 題外話,唔係度講了
