蛇媽小時候由上水搬往何文田山區石屋居住,當時大約十歲左右.先講下居住環境,當時呢D 石屋係政府發放比居民住宿既,一層層排滿石屋,點講呢,好似以前梯田咁,屋係一層層上,大約屋與屋之間有一層樓既距離,我唔知咁講大家明唔明白???蛇媽有一個同學仔叫潮州妹,佢係住係蛇媽既下一層石屋,蛇媽就住上層既最盡頭既一間石屋.有一日潮州妹拉住蛇媽同佢講"豬豬呀(蛇媽花名),我好似見到鬼呀"於是佢就同蛇媽講過明白,有一晚,係訓覺既時份,潮州妹係訓近窗邊,當佢正想入睡之際,忽然見到一個長頭髮著白色長袍既女人,拖住一個大約六七歲既小朋友係佢上一層經過,但潮州妹好清楚咁望到,個女人同細路得個頭同埋隻手,佢地係無腳既,即係飄過!!!因為當時係有街燈,佢係無眼花,如是者連續幾晚佢都見到呢對鬼母子係差不多既時份經過,之後潮州妹怕怕,唯有同佢呀婆對調,叫佢呀婆訓窗邊.至於肥蛇媽就懷疑見過一次,大約又係夜晚時份,佢不經意望到窗邊,見到有一個男人著住當時叫梳衣既雨褸行過佢家門口,但蛇媽住既係最入既一間屋,之後就係山邊盡頭,佢當時心諗,係咪小偷之類,佢就靜雞雞睇下果個男人有無回頭,因回頭都要經過佢屋企,,後來佢忍唔住開門出去睇下,當然係咩都無,後來潮州妹同蛇媽係大人口中知道果度以前係亂葬崗黎,當時政府就只係用簿簿幾下英泥蓋過就起呢d 石屋比居民居住,每逢落雨天,有d山泥傾瀉左d 出黎,都會見到有頭骨呀手骨呀等外露出黎,居民都見怪不怪,蛇媽佢地D小朋友後來都睇慣哂~
另一個故事就係蛇婆既呀哥,我稱之為舅公,當舅公十八九歲既時候,果時係住下鄉下恩平,佢為左搵食就去左市鎮去做剪髮學徒,有一晚佢放工後去左朋友度玩因而夜返,果時大約係半夜時份佢經過一條橋頭,橋下面係一條河黎,見到橋頭有一個女子坐左係度飲泣,舅公就好心走上前問佢咩事,當佢一問"小姐你有無事呀"
果個女仔就望住佢,嘻嘻一聲,之後卜通一聲跳入河度,呢個時候舅公覺得呢個應該唔係人黎,佢嚇到連滾帶跑咁返屋企搵張被蓋住個頭.但之後佢就開始不停咁病,病到連工都返唔到,後來佢媽問佢咩事,佢就講左呢件事比媽聽,之後佢媽同佢一齊帶金銀衣紙往橋頭拜祭,但當佢地燒緊既時候,同埋喃喃自語叫女鬼放過佢地,女鬼不但唔驚,仲浮上水面現身比佢地睇,擺明唔受佢地呢套,舅公既媽一早預料佢有此一著,即刻叫佢個仔掉個剪髮既教剪落河,之後再叫佢屙尿落河入面(童子尿)果然之後傳黎一聲撕叫,女鬼亦都無再浮上水面了,舅公既病又不藥而喻了,都咪話唔神奇
