凡哥講左一個佢朋友小時候既經歷,故且叫佢朋友做小強.呢件事都係小強長大後,父母講番比佢聽既.話說小強仲係bb 仔既時候,佢地一家人搬左去美x新村,當時小強自己訓一間房既bb 床上面, 至於佢父母,就訓係隔離房.有一朝早小強既媽媽發現左小強無啦啦訓左係bb 床隔離既地下,佢以為小強自己碌在落床, 但bb 床係有圍欄既,又點可能既呢?同時佢亦檢查小強傷勢,但小強又完全無事, 咁唯有不了了之,點知道如是者,連續 幾日佢都發現小強訓左係地下,佢同丈夫都覺得好奇怪,但又做唔到d 咩事去解決呢個問題.有一晚,小強媽半夜過去想睇下小強,當佢行到bb房門口, 推開門既時候,佢發現左,有一個女人正在同小強嬉戲,小強當時笑得好開心,小強媽正想渴問呢個女人係邊個之際, 先發現呢個女人全身係半透明狀態,小強媽當時嚇到驚惶失色,即刻飛奔回自己間房,當時小強爸正在熟睡,小強媽驚到坐係張床喘氣,仲未黎得及叫醒佢丈夫,點知...............
佢隔離傳黎一把女人聲同佢講,"點解唔叫醒你老公呀"
第二日小強父母 就拿拿聲執野搬屋走人, 決定唔要呢間屋了