．玩米缸，將手插入米缸裡面嘅米裡面篤下篤下。練鐵砂掌
2．在百貨公司入面篤扶手電梯旁的牌。 練六脈/一陽指
3．地下有階磚時，特登隔一格一格黎行 ( 不可踩界，要完全在格內 )。 練雲梯縱
4．用錶面反射陽光，照黎照去。做緊[光的反射]的實驗
5．跳樓梯 ( 愈多級愈勁 )。 物理實驗同練大膽
6．行路上高起左地方，好似玩平衡木咁行法。練平衡
7．鋪張紙在硬幣上面，然後用鉛筆係上面油，油返個形出黎。練手的穩定性
8．食完瑞士糖之後，將糖紙包番個原本四四方方果個形出黎。 物盡其用,食完野進行形狀探討
9．超級市場踩住架購物車黎行。 自殺省錢方法
10．踩水" Tum "，係好特登果隻。 練腳力
11．吹口水波。 危急時用黎對付敵人,邪門武功
12．搣牆上的乳膠漆或牆紙。 磨手指甲省錢方法
13．係平滑嘅地面上面跣下跣下咁行。 摩擦力實驗
14．整濕啲紙巾，掟上學校廁所天花頂。 練準度及臂力
15．食完香口膠，摺返成張包裝紙，再放返入個大套入面。
16．響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，轉得怏個時飛出黎，睇下個粉刷中邊個。 測幸運度
17．放膠袋( 當風爭咁放 )。 省錢..唔洗買風箏又有得玩
18．去後梯執咸書睇，將睇完的咸書撕開飄落街。 環保,將d紙分比窮人
19．貼張龜仔紙嚮同學個背脊度。 對付仇敵的省錢方法之一
20．踩人地個影。影子探討
21．狂踩人地對白飯魚，尤其是大肥仔果啲。隻腳痕得制的舒緩方法
22．用幾條橡筋射同學。 練準度
23．掉人地門口的拖鞋落街。 消閒方法
24．" Mung " 消防喉，射水落下面個球場，睇下射到幾遠。探討角度
25．嘗試用「念力」整彎湯匙。 增加念力
26．用氣鎗射街上的途人。 happy
27．玩千揪，" Fing "到咁上下就飛出去鬥遠。 窮人刺激自殺方法
28．落樓梯時坐係啲扶手上面 " Sir " 落黎。 節省時間
29．在自動梯行相反方向。 吸引別人目光
30．把「誤投信件」或沒有用的宣傳單張，放入其他的住宅信箱。 免費幫人宣傳
31．坐地鐵時，抓緊中間的扶手，地鐵一開動博命繞住轉 ( 自轉 )。因暈而較易睡著
32．在月台上鬥快跑。既可玩遊戲,亦增加刺激性
33．係「被」豆入面開住電筒扮露營同埋喺入面食零食。足不出戶有得露營
34．用圖釘弄穿學校壁佈板。 對學校的發洩方法,危險性又低
35．亂按人地既門鐘，然後鬆人。 更懂危機處理及練跑
36．明知過左三歲，仍然吾買飛，「捐」地鐵既入出閘機。 話明三歲,點識咁多野
37．不小心塗改液 ( 有掃那種 ) 塗在手上，然後用附送的天拿水，搽在手上以圖弄去改液。自殘方法
38．用冒險樂園o既硬幣當一蚊用。慳家
39．煲蠟。 窮人遊戲
40．把汽水罐靜雞雞放在校車的車輪下攝住，開車時把它壓扁。害同學方法
41．用螢光筆油指甲。 慳錢唔洗買化妝品
42．向學校啲木台上面畫公仔。 消閒方法
43．用電筒／雷射筆射落街或者照住啲路人。增加膽量
44．搣碎啲紙巾，然後拋出窗。 六月飛箱
45．巴士一開車，就同佢鬥快跑。 串巴士司機
46．落雨擔遮，懶係型咁轉把遮。 探究[圓]
47．見倒啲矮過自己嘅人行緊過黎，會好自然 " Gut " 高啲行。串人方法
48．將擦膠切到佢一粒粒咁 練(刀)法
49.玩冒險樂園啲遊戲 ( 例如籃球或保齡球 ) ，企喺最高或企喺跑道嘅最尾玩。 咁巧合姐
50．地鐵出閘果時「捐」過閘口，拎走張地鐵飛當地圖。 物盡其用
51．屋企冇人果時，對住塊鏡學人跳舞／做戲／唱歌。 唔洗臨場比賽/表演驚
52.．同人爭一啲無聊野，例如「美少女戰士角色︰Sailor Moon 係我既，火野麗係你嘅」或「四大天王，黎明係我嘅，所以你唔准鍾意黎明，你鐘意郭富城啦」。 練口才
53．玩廁所水。 自製污槽方法
54．去到公園，係咁撕百千層啲樹皮落黎。娛樂
55．慢慢行近麻雀到，企圖捉住佢地。 創造奇蹟
56．係街見到狗就扮貓叫，見到貓就扮狗吠。 練模仿聲音
57．趴喺地上扮死，想嚇死阿媽阿爸。 害老豆老母
58．畫花報紙或書上嘅畫，為人物加牛角或者胭脂等等。自得其樂
59．拎啲元寶當船放喺水上玩或者拋落街。 慳錢娛樂
60．用條繩「Hid」野到落去住下面嗰戶人嘅窗前，然後 " Fing " 來 " Fing " 去，引人注意。增加爆光率
62．在井字型公屋中間的大天井中放紙飛機，或者放紙青蜒，看看誰放的紙青蜒最慢由廿幾樓落到地面。紙青蜒探究
63．將bubble紙氣泡逐粒"鏈"爆 玩囉
64．走到開動緊電風扇面前:"呀~~~~~~~~!" 研究風扇如何使聲音加大
65．用間尺好似 "搖搖板"咁彈起舊擦膠 物理研究
66．膠水搽係手/筆盒上 , 等佢乾之後成塊 met 出黎 ~ 模形製造
67．洗手時用手頂住個出水位,用d水去射周圍d人 玩人
68．同隔離位鬥快開哂筆盒d機關 訓練手指靈活度
69．特登將飲完的紙包飲品吹脹然後放在地上，大力地踩爆佢 練腳力
70 ．係ｄ走廊到玩壁虎功 增加吸力
