原本都唔諗住出黎講...睇到你屈我偷你屋企D錢越諗越火
偷錢單野我留到最後先講
一.粗口多
我係成日爆粗.但係我唔會係公眾場所爆到全部人都聽到..極其量都係私下同朋友講野個陣先爆
如果你忍受唔到朋友同你爆粗既..咁我恭喜你..以後唔洗忍受我既粗口
三.放飛機仲多過我
呢個世界上存有唔同變數...你話BBQ我無去到,我解釋左太貴無錢而唔去
我唔去前個排會講聲先..點都好..為我放飛機SAY 聲SORRY
四.孤寒
無你咁勁..連請完人地食完都計住..要人地日後請番你..要計我孤寒既話我同你計盡佢
孤寒因為我出生係低收入家庭,知道老母工作辛苦...自小已經培養出極節儉既性格....唔好話買野食請朋友..自己出街消費都少
我零用錢有700蚊..好似好多咁..但係560係每日補習..實際140..你想我幾闊綽呀..一個月拎70蚊出黎請你食野好無?
你之前送左黑羅殺既異招[比我,孤寒既話我點解要送番超升龍霸你?
5-6年前我FD送左有達爾天魔既(個陣DEEP齊招)既AC比我..我再以50蚊放個AC比你...5-6年我放上網賣都唔止呢個價啦吓話
我唔再同你做朋友係因為頂唔順你既性格,你估我為左你哂LED電視而唔做朋友?
咁我而家解釋,你向我哂命既時候語氣串,一副耀武揚威既樣..講野從來唔諗朋友感受
.你明知我屋企無錢買乜7電視..仲串共共咁問""喂,買啦..好平姐2000幾蚊一部..做咩唔買?""
你知唔知咁樣對於窮人好難受.,仲有唔止呢單事..呢幾年黎不斷同我講你D威水史
你拎6000蚊,買PSP,買手提電腦,買IPAD,你表姐係美國畢業都要同我哂命既
次次都係個種死人語氣好惡頂...知你上流社會人士...最威威係你啦
.朋友之間既關係破裂唔係一朝一夕..係日積月累既誤會同分歧而搞到關係破裂..你估我為一單野而唔同你做朋友咁小器
之前警告左好多次你叫你咪左咁樣同我講野..點知仲唔改..忍左你幾年..咁我同你幾年黎之間一直存有分歧都未解決到..咪同你斷絕來往囉
講番D小事件
":我去佢home時 想食佢d花生 就比幾粒就算"
哈..想笑死我?比哂全部你食好無呀..D花生又唔係淨係屬於我..我老豆老母家姐唔洗食?似你咁唔顧家呀..偷屋企錢你就叻
"佢去我屋企食咩都得"
我問你個陣你又無講過唔食得..如果你心有不爽咪叫我唔好食囉
"仲有唔好去佢個toilet "
幾時有?你次次黎我屋企例牌爆石既..我有無阻止過你先
"有次仲衰 我去佢屋企 佢老豆叫我食飯 通常去人屋企 人地叫你食飯 在情理我都會講唔洗 佢就同佢老豆講 阿邊個邊個唔食啦 佢唔會食 "
.小學雞年代你仲拎黎講..不過你明顯唔記得既一點...我向你補充..我同你講過我老豆煮野勁難食..我先同佢講話你唔食.
係你唔記得姐..以為我唔比你係我屋企食野
最後,偷野
我幾錢有偷你屋企錢?你唔講我都唔記得...個日我順手放番PSP入去...你屋企唔見錢就話我偷?我係到講我無偷..信唔信你既事.
呢件事起碼年半至二年前..點解你個日唔見左錢唔即日同我講番先..係要等成年幾二年先係到講先..明顯老屈啦
如果你仲係覺得我偷左你錢..我建議你報警..
P.S 樓主咁憤怒..呢類貼應該放係理想國個區比較適合