切換到寬版
  • 3666閱讀
  • 12回復

[實戰教學影片賀LFO第2春]悟地1/2轉講解及介紹"下昇"技巧 [複製鏈接]

上一主題 下一主題
離線mogi文
 
發帖
14
icash
84
威望
58
只看樓主 倒序閱讀 使用道具 樓主   發表於: 2016-06-15
前言:
首先好多謝大家入黎呢個貼支持一下呢類型既教學片。其實LFO咁多年黎,一直都十分缺乏俾新手學習對戰既機會,好多時候大家想玩好VS但又無從入手,求助無門(因此有唔少人會選擇比較強既角色令自己勝率提高)。對比其他類型既格鬥遊戲,如街霸等,實戰VS既教學確實係非常落後。有見及此,希望借呢個機會黎到分享自己小小既心得既同時,可以幫到大家解答到對戰上既疑問。自己當年好興幸有一位有心人教導我VS上既技巧,所以而家希望自己可以將經驗分享比其他人。最後希望今次呢個POST只係第一步,我十分相信私服既發展能夠再帶起大家對LFO既興趣,包括對戰上。前言就係咁多,入正題~~~

註: 如果唔係太想睇咁多字既話,可以先SKIP文字,直接睇影片。到睇完影片後有唔明既地方既話可以針對翻文字黎睇會舒服D~~~。
                  



由於自己對悟WOODY既認識較其他角色多,所以呢個貼主要會以WOODY既角度去講解對戰上既策略。以下落黎會講解:
1.) 立回
2.) 步法
3.) 實戰連技

而係介紹之前,我會先講解以上所需要既execution。所謂execution就係你輸入指令上既操作技巧,而操作技巧就係將你既”諗法”實踐係對戰上面。當然,係進階對局上”諗法” 係遠比操作技巧重要。Execution只係一個門檻,令到你既打法變得更多元化。而今次會以最經典既一個練習——”下昇” 黎到講解。如果睇緊既你已經對”下昇” 呢種技巧運用得十分純熟,甚至將呢一個技巧應用係其他招式上既話,亦都不防睇一睇以下既講解,方便係留言入面補充翻我講漏左既地方~~~            
      

Execution


其實下昇係指將昇龍霸由原本向上移動既軌跡變成向下。呢個少少既改變其實對成個對戰上有好重要既影響。原本既昇龍霸只可以平出/打上,換言之,只要對手長期佔領住場地既下方,迪雲對佢既威脅就會大大減少。下昇呢一種技巧,可以令你既招式唔再受指令限制,增加你招式既攻擊範圍。當然呢種技巧並非只係適用於昇龍霸,所有招式可。

                  


“下昇”大約可以分為3種出法: 請睇以下影片示範
1.) 下下小跳出
2.) 跑出
3.) 滾地出



3種方法當中以"3"最難, "1"最簡單。初學者可以先由"2"開始練習。("1"基本上唔需要任何技巧,但初學者可以用"1"既動作作為標準,方便檢視是否成功做出下昇)


指令如下: 起跑後>>>按實下制(招式完結前不放開)>>>係禁實下制既同時輸入昇龍霸指令>>>待昇龍霸指令成功輸入後才放開下制。

Remarks: 決定”下昇”成功與否在於玩家可否係完成整個滾地動作前,完整輸入招式既指令。招式既移動方向取決於滾地時候既方向。所以,係滾地時輸入昇龍霸既指令過程中,要確保整個過程禁實下制,以保持向下滾動作。如果”下制” 係完成昇龍霸指令之前放開,”下昇” 便會失敗。

成功做出”跑出下昇” 後可以練習”滾出下昇” ,最後可以嘗試W昇龍。實戰過程中最常見會係” 滾地” 變向,因為起手時間較短。正如之前所講,呢個execution係可以應用係所有招式上,招式指令越多,難度自然越高。

下面片段示範左w昇同其他既招式:


“下昇” 既介紹就到呢度,詳細既下昇應用實在太多,而由於今次只會以WOODY角度講解,所以就直接跳去介紹WOODY應用既情況
                  


1.) WOODY(1):

悟地既核心概念其實十分簡單——“用盡所有方法打背”。而係Woody九招入面,"虎翔霸"同"音速刀"呢兩招最方便轉向,容易打到對方背面。而跟據與不同角色既對局,悟地可以選擇以虎翔霸/音速刀作為主攻技(並非指遠攻拉打的音速刀,其後會介紹) ,令成個對局對自己更有利。

1.1) 立回
立回即係指雙方保持對自己最有利既距離既爭奪戰。不同既角色基於佢地自己招式上既特點,會有屬於佢地自己獨有既有利位置。粗略講,就係搵情況係”你打到人,人地打唔你”。以Woody為例,悟地既立回會以虎翔霸既特點黎定立。

下面條片會先講解虎翔霸特點:

距離1: 起手,少防少攻           距離2: 有攻,高防           距離3: 最遠有效攻擊範圍,有反波效果
距離4: 收手,無防無攻



反波情況:



雖然距離3係虎翔霸最遠既範圍,但WOODY應該盡量同對手保持係2~3既距離中間。原因有幾個:

1.) 最高防
2.) 即使虎翔霸被擋,落地既位置同對方有一段距離,可以減低被對方捉收手風險
3.) 因為收手後已經保持一段距離,可以立即準備下一次進攻,同時風險亦都減到最低 (對方唔能夠捉起手時間)


留意片段既最尾其實係講緊大部份時間,虎翔霸應該預斜線打中對手,盡量唔好直線出。因為斜線打既關係,同對手既接觸位置只有一點,因此同對手格招既時間只有好短,減低被破防既機會。
PS: 某d對局上,WOODY既虎翔霸就算只係接觸一點都會被人破既情況下,呢個情況就會以零距離"音速刀"打立回。換言之,就係將音速刀當作近攻招式使用,係同對手零距離情況下使出。詳細既應用會係”3.) 實戰連技” 講解。                  


1.2) 步法

以”打背”為中心,自然要有一啲假動作令對手唔夠反應擋後。最直接既諗法——“跑個大圈兜去人地後面出招” 呢個方法當然行唔通:D。而基本上係有3種步法可以幫助WOODY做到打背:

1.2.1) 滾出虎霸

  

個人其實不太建議大家用跑攻幫助虎翔霸轉向。原因:
1.) 跑攻出既虎翔霸角度窄,唔靈活
2.) 跑攻出既時候有機會比人打中
3.) 整個動作對於對手而言太明顯,基本上對方一見到你跑攻就會知道你進攻既下一步。
片入面可以見到同一起點,角度可以大幅改變。就算碌過隆,係對手上方都可以出用下虎翔霸黎調節。

1.2.2) L步法
利用大跳跳起後,落地瞬間可以快速滾地既特點(落地瞬間禁住方向制+防防),可以更快轉向。片入面只係示範左由上到下,同理可以下到上展開。第一次大跳既目的係誘導對方面向右(左),然後繞過左(右)面起手。如果對手經過幾個回合後適應左L步法,可以直接大跳後轉用T步法(下下小跳到對方右(左)方) 。基本上步法對於攻守雙方黎講係無絕對優勢,攻方唔係絕對安全;守方唔係不能反擊。步法後既情況係55開局。成效在於雙方既反應及捉心理,正如包剪揼一樣。




1.2.3) T步法
同樣利用下下/上上小跳落地特點轉向。可以反覆滾地,對方適應後可以滾向對方遠處,對方出招打空後用音速刀捉收手



每次滾地後其實可以再演變成不同情況,其他既變化留待大家自行發掘:D。


1.2.4) 步法應用



今次會以迪雲對局作為例子:
1.)第一個情況其實係講緊大部份迪雲玩家被迫入牆角時,可能選擇跑出牆角然後回頭出真龍波。呢個時候可以用L步法跟尾。第一個大跳後先滾地觀察對方動作,確認係真龍波/昇龍後可以目押虎翔霸。

2.)第二個情況同樣係講緊迪雲被迫入牆邊上方,但今次迪雲選擇防守等待我方動作。呢個時候可以用T步法,以第1個小跳誘導迪雲出上昇,然後立即滾地出背虎霸。同樣情況一樣可以應用係任何地方,重點係近距離誘導對方招式打空,暴露出弱點。
註: 呢2個步法十分適合悟地使用。每一個角色既滾地起手動作時間、滾地時間、小跳起收手時間以及小跳時間各有不同。以上各項動作入面WOODY可以話屬於最快既CLASS(較慢既可以參考黃帝等等角色)。所以配合呢2種步法後,WOODY可以更靈活地走位。                  


1.3) 實戰連技

實戰連技分別由虎翔霸同音速刀兩招為主。

虎翔霸:

  

PS:連技1係牆邊同樣能夠應用。


音速刀:




牆角應用:





PS:好多時對手都鐘意係牆角等人埋去,用起手較快既音速刀代替滾地虎翔霸會更加有效。如果對方刻意係牆角等你出招時,你可以先滾入角後立即滾出,觀察對方動作後再決定攻/守。
片段入面示範左零身位音速刀既用法。音速刀起手時間十分快,可以幻想當作安德魯既"數碼風暴"使用。重點係你要相信你沖左入去後,音速刀會保護你,打斷對方動作,唔好怕比人反就Okay。                  


2. WOODY(2):

因為所有角色異轉形態下,所有招式都會大幅加強,例如招式前後均有防御力。再者異轉後,WOODY招式不及1轉靈活(悟地2轉後,滾起手動作比1轉慢),因此剛才所介紹的進攻步法可以暫時忘記。欠缺步法及高傷害輸出既情況下,WOODY異轉後唔可以再以打背為主。2轉後WOODY更注重立回,利用招式範圍大及連技自由度高既優點,牽制對方留係攻擊範圍既邊緣,令你可以攻擊到對方,但對方攻擊唔到你。盡量避免出現格招既情況。針對招式超手慢既缺點,WOODY2轉強弱取決於玩家對於先讀對手走位既準確度。所以使用2轉既難度比1轉高。
新生悟地所有招式中,優缺點為:

優點:      1.) 攻擊範圍大         2.) 連技自由度高                
缺點:      1.) 傷害值低                            2.) 格力低                                       3.) 起手慢                          

所有招式中,主攻技為超虎斬及絕地音速刀,而虎牙截擊、虎煌霸以及鬼車腿會以副助形式使用。            
      


2.1) 立回

由於立回係基於主攻技而發展,所以大家可以先睇下面片段了解招式特性。

絕地音速刀:




註解: 絕地音速刀雖然傷害低,但攻擊範圍巧妙、連技既自由度高。用呢招既時候應該預距離3既直線距離,或企係對方上/下既距離2、3,以背出既方法令對方中電。理想既情況希望令對方只中第一hit既電擊,方便連接其他既招式。絕音系列既連技會放係下面既” 實戰連技”SECTION。即使呢招打失,但因為出招時既預算距離係3.) ,對方捉我方收手亦都有一定難度,但打中就可以入一套連技。以安全起見,絕音收手時可以利用高空落地小滾既特性,上下移動逃走既同時,可以再次使用第二次絕音,令打失既風險減少。

超虎斬:



超虎斬較特別,雖然攻範十分大,最遠距離為3.) ,但攻擊力極低。基本上係1.) 2.) 既範圍內先有可觀既攻擊力,當中1.) 距既攻擊力係悟地2轉中最高既一招(唔計絕猛猛)虎 。係2距內,超虎斬既破格能力極高(例:打斷地龍波) 。然而,超虎斬最大既問題係起手極慢。所以,實戰中通常會先以虎煌霸拉開距離,然後誘導對方接近時才使用超虎斬。


虎煌霸:



同虎翔霸一樣,預斜線打中對手。然而因為2轉中虎煌霸相對於其他2轉角色,格力太弱,因此多數以拉走或係畫面睇唔到大家既情況下突襲。但假如面對格力比你更弱或差唔多既角色,可以多使用虎煌,但謹記要預2~3距打中,理由同虎翔霸一樣。同樣地收手十分重要,可以利用空中落地特點後滾/上下滾,減少被捉收手風險。


虎牙截擊:

  

虎牙同樣作為副助技,可以突擊使用。利用大副上下移動既特點出其不意地偷襲對方。值得留意既係虎牙係某對局上會有好大重要性,甚至比主攻技更有效。例子如對邪鬼2轉,對於部份中意用鬼靈波玩家,可以先係遠處直線誘導對方出鬼靈,確認對方出招後目押虎牙反波。成功反1,2次波後其實已經高輸過你靠其他招式入幾套連技。

虎門鬼車:

  

同樣作為副助技其實一場入面好可能只用到3,4次。留意起收手可以上下轉向。虎門鬼車可以破防,中晒所有hit既話甚至高攻過1距既超虎斬。然而缺點係只可以直線攻擊。假如對方大部份招式都係同樣直線的話,可以選擇多用鬼車,格力高(同時間起手可以格贏昇龍殺)。
                  


2.2) 實戰連技

實戰連技分別由虎牙同絕音起手:

絕音起手:

  

虎牙起手:




註: 牆邊最後絕音係捕對方受身,假如對方受身會中最後1hit絕音電擊。                  


總結

黎到尾聲,係度不妨做個少少既總結。其實由攻擊方法黎睇可以大致分類玩家為中,上級別。攻擊方法可以大致分為三種:
1.) 捉起/收手
2.) 格招贏
3.) 先讀

以3.) 最難,1.) 最易。先讀即指透過對戰觀察後,根據從對手的習慣/諗法再針對性地定立出的對策。例如了解玩家習慣既走位角色限制既走位又或者玩家對於一套SETUP既回應。而先讀係難度最高因為除左要求知識量、反應外,仲要求係對戰混亂既過程中作出觀察,配合經驗尼推斷對方下一步動作。”先讀” 既展開係無盡頭,有別於1.) 同2.) 。以我剛才介紹既步法為例,其實係屬於要配合觀察先有成效既打法。情況就好似WOODY拋底一個問題比對方,然後等待對方既回答後再拋出新既問題,希望令對方答唔到為止。而好可惜今次既介紹只可以黎到呢度,對於先讀對手走位等等再深入既問題實在太多變化,放入每一個對手既情況都會不同,所以實在無辨法係度詳盡。


而如果你係岩岩上手既話亦無需要急於追求”先讀” ,因為通常作出先讀背後會冒上較大既風險,但高風險高回報。胡亂”先讀” 好有可能會令自己輸得更多,興趣亦都會慢慢磨滅。可以先做好頭1.) ,2.) 點之後,建立屬於你自己對不同對局見解,然後先作出準確既先讀。


最後多謝幫過我拍片既所有人,希望呢個POST大家睇得開心,重拾翻對戰上既熱情。如大家對於呢種教學片段有興趣既話不妨可以自己做一個,又或者幾個人一齊做亦可~。多謝你睇到最後,希望下一個分享既會係你( ´∀`)σ

















2條評分icash+50威望+50
andickb123 威望 +50 好耐無見有質既技術文 2016-06-19
andickb123 icash +50 好耐無見有質既技術文 2016-06-19
離線str1ckland

發帖
463
icash
983
威望
929
只看該作者 1樓  發表於: 2016-06-15
support! 好詳細^^
離線mogi文
發帖
14
icash
84
威望
58
只看該作者 2樓  發表於: 2016-06-15
回 str1ckland 的帖子
str1ckland:support! 好詳細^^ (2016-06-15 16:12) 

最緊要大家睇完覺得有用咁就最好啦(`∀´)
離線ksansama
發帖
1
icash
2
威望
0
只看該作者 3樓  發表於: 2016-06-16
先mark 以後再睇 加油^^
離線cheunh
發帖
16
icash
197
威望
61
只看該作者 4樓  發表於: 2016-06-16
要練下實用PK方法
離線sk001093
發帖
305
icash
156
威望
95
只看該作者 5樓  發表於: 2016-06-16
冇玩過悟地表示路過
BTW多謝樓主分享心得
LFO友交個朋友,可以既話加我FaceBook/Skype
加之前InBox我
[email protected]
離線terenceh
發帖
7
icash
14
威望
3
只看該作者 6樓  發表於: 2016-06-17
support
離線william
發帖
572
icash
564
威望
287
只看該作者 7樓  發表於: 2016-06-20
支持
做得十分認真
希望黎緊拍其他角既技巧
離線mogi文
發帖
14
icash
84
威望
58
只看該作者 8樓  發表於: 2016-06-20
回 william 的帖子
william:支持
做得十分認真
希望黎緊拍其他角既技巧[表情]  (2016-06-20 01:05) 

可能既話我都希望做多少少唔同角色既tutorial......但做一次都真係幾花時間haha

你地有無邊d角色想睇?
其實我真係叫有研究既角色唔算多,普遍都係d冷門角/弱角。除非我對果d角色有比較獨特既見解,如果唔係既話我做出黎既片都真係無咩可以介紹

有既話可以即管提出, 我盡可能會做一兩個 or 類似既角色~
離線allin

發帖
48
icash
96
威望
24
只看該作者 9樓  發表於: 2016-06-21
之前見到樓主用星仔打得唔錯,樓主可以出星仔教學帖,太多人依賴十字拳同粉身
離線光之使者
發帖
3236
icash
0
威望
1880
只看該作者 10樓  發表於: 2016-06-22
回 mogi文 的帖子
mogi文:可能既話我都希望做多少少唔同角色既tutorial......但做一次都真係幾花時間haha
你地有無邊d角色想睇?
其實我真係叫有研究既角色唔算多,普遍都係d冷門角/弱角。除非我對果d角色有比較獨特既見 .. (2016-06-20 15:22)

我諗你做project都唔會有咁多字
先留名 等風尊
遲D跟你方法練下昇...
離線mogi文
發帖
14
icash
84
威望
58
只看該作者 11樓  發表於: 2016-06-22
回 光之使者 的帖子
光之使者:我諗你做project都唔會有咁多字[表情]
先留名 等風尊
遲D跟你方法練下昇...
(2016-06-22 20:57)

風尊唔識:x
人尊或者ok~

離線terenceh
發帖
7
icash
14
威望
3
只看該作者 12樓  發表於: 2016-06-23
唔識跑出下昇
快速回復
限100 字節
 
上一個 下一個