1.採用新的格擋判定
其實近身招式一定要加入格檔力,當然要睇返招野
起手過快,傷害過份高果種就唔適宜
代表人物柏高...近攻招全部無格力
發射飛行道具的遠程招式則移除一切格檔力,咁又唔好,視招式而定
好似黑羅剎第一招雖然係遠程招式,其實係近距離應用,降低佢格招力反而合理
但係完全消除就太過份...
所以呢個建議真係唔適合全部角色應用
2.MP消耗的調整規則
我覺得都係個別再汁
有時招式既MP係可以規限到玩家出招程度
部分唔合理當然要汁汁佢
而且修改呢個都好大工程,真係全部人物招式一招一招咁樣改
唔係就咁普通一鍵應用
不如等相關玩家提出該角色意見更好,之後大家留下意見支唔支持仲好
3.奧義招式出招方法統一
呢樣真係唔好搞,大部分玩家集慣左指定人物出招方式
真係唔好亂搞,改左反而唔識出招
其實五主角已經比較少人玩,相關人物修改設定不如搵返玩開個角色既老手指出更好
去到晚期玩五主既好多都已經係8000血,1000攻防再上裝先叫玩到
佢地撞招多數靠自身能力值,我試過用迪倫招飛龍都撞唔過一個迪雲百裂拳
正常應該係佢捉我收手居多,但係我個次係全場我捉佢收手...
我正係講下我成日打/玩過既角色
迪雲我覺得設定上真係完美,無咩必要改動
星仔就...我覺得傷害力好似太過份,頭三招改格力/傷害我無咩意見
但係其他招傷害力真係好高,我用迪倫都唔敢同佢正面撞招
中一招十字好似無成1/3...
不過星仔點樣修改都係等相關玩家指出,粉身碎骨/十字傷害力可以降一下就得
以菲沙來講
鑽石風暴真係要無敵身先得,為左vs而修改我覺得無咩意思
唔係無敵身,收手招野會太大硬值,唔適合對戰使用,咁不如維持無敵身,當作禁招仲好
異轉方面就唔清楚,正常都唔會對戰,主要都係打故事/任務先玩異轉
咁還原版最強個版本就好
卡比合擊最大問題係當初接近神格,就算想扣SP都做唔到,只要可以改到中-強格
格招果陣扣到SP就無咩大問題,格招靠SP唔係靠招式
冰尊好多時屈唔係招式,而係本身遊戲設定可以無限冰,基本比人冰左就...
如果系統設定,冰左一次只可以再接一招,之後就自動倒地,就唔會有咁多問題
達爾如果唔係屈狂龍斬,其實都幾吃技術(我指正常打以大地斬同破嶽斬做主要輸出果種)
不過我無玩達爾,都唔肯定有冇記錯招名
只係以前有排同好多達爾打
亨利緊係要搵返屈比問意見
講返我自己,我只係玩迪倫同天尊
我認天尊異轉全部招一定要改返初版。。。
改版之後基本完全用唔到
正常玩故事同任務都唔得
反而改版後非異無咩問題,正常vs都唔錯,初版回天刀無敵破招又好似太屈
如果呢家個版本回天刀可以再高攻少少,起手有格力應該就更好,可以成為主力招之一
其他招式就無咩大問題
始終天尊唔太適宜加強,打法始終較慢,靠鏡封位,加強一下回天就得
迪倫既話我覺得只要招昇龍改返初版無光柱,就已經變相無咁強
起碼唔會亂打亂撞靠光柱都命中到人先
(因為要弱化迪倫即係一刀切佢格力,但係一弱化基本就變垃圾)