真人真事﹕日本酒店撞鬼記
0係二十年前我媽咪同兩個親戚join團去日本旅行﹐到富士山附近的一間和式酒店(tatami 房)入住。媽咪和親戚A兩個人一間房。其實媽咪一入到間房已經覺得唔老黎﹐因為佢見到枱面有本打開左0既聖經。但係由於酒店已經冇其他房﹐所以佢地唯有繼續留0係間房度。第二樣唔老黎野就係日本0既傳統被係圍白邊中間有花﹐十足中國人0既壽被一樣。所以到左訓覺0既時候媽咪唔想閂燈﹐因為可以壯壯膽﹐但親戚A堅持如果有光佢就訓唔到﹐最後都係閂燈訓覺。夜晚訓訓下0既時候﹐我媽咪聽到親戚A0係度0益“快D起身呀﹐我成身濕哂呀﹗”媽咪即刻開燈睇下發生乜野事。一開燈果然見到親戚A全身濕哂﹐好似俾水淋一樣﹗後來即刻Call領隊入黎﹐睇哂全間房又唔見有漏水﹐不知水從何來。當時唯一解釋各人心中有數亦冇人敢講。跟住佢地兩個就搬左去同領隊訓。
所以以後見到酒店房有開左0既聖經﹐都係走為上著。
