一個不快樂的婚禮 [複製鏈接]

時間：95年9月‧地點：馬鞍山叔叔家‧人物：叔叔 自從叔叔o既女朋友o係兩年前病逝之後，直到而家叔叔都冇拍過拖。 叔叔位女朋友叫志美，我o地一向都叫佢做「美姨」。美姨同叔叔係一齊讀大學時結識o既，當時o既美姨患有初期o既血癌。不過唔知係可憐佢，亦或真係愛佢，佢兩個畢業後一齊搬到馬鞍山同居，叔叔話係方便照顧美姨喎。 美姨不停咁接受治療，但病情從未有轉好，反而日趨嚴重。三年前，叔叔想證明佢o既真心，曾向美姨求婚，但遭拒絕。理由係佢知道自己命不久矣，唔想成為叔叔o既包袱。兩年前，美姨病情突變，佢o地從此就陰陽相隔。 其實叔叔一直相信神靈，佢不停咁求神問米，希望美姨o既靈魂早日返到佢身邊。 果然，佢有一日放工返到馬鞍山o既屋企時，發覺屋企異常乾淨之餘，全屋o既窗簾布都閂實o左。但叔叔並冇覺得驚，反而驚喜到即刻打電話同我o地講話美姨已經返o左o黎喇。我o地聽到後，都覺佢開始神經失常。 o係晚o既十二點左右，佢緊覺時突然覺得有人坐上床，然後o左o係佢身邊。轉身一望，係美姨o黎！美姨同叔叔話一直都好掛住佢，不過時辰未到，所以咁遲先返到o黎見佢。美姨話佢一直都好後悔冇答應叔叔o既婚事，佢返o黎係希望叔叔能畀多次機會佢，同佢冥婚。 叔叔請示過同爸爸之後，大家就開始著手搞呢次咁特別o既婚事。我雖然好奇，但一直都唔想參加呢個婚禮。o係成個婚禮裡面，我o地都見唔到美姨，只係見到叔叔不停咁笑，不停咁同側邊o既空氣傾偈，參加婚禮o既人，冇一個識得笑，氣氛一片死寂。 李終貴按：終貴冇參加過冥婚，無法講到經驗你知，亦冇法感受到你o既心情，但諗諗，應該係個令人悲哀o既婚禮。 唉！好似你叔叔咁專一o既男人，真係世間少有。如果美姨唔係咁不幸o既話，相信佢而家都好幸福。不過呢種「人鬼情未了」o既關係，短時間或者會開心；長時間就真係唔戥佢o地高興。事關未死o既人其實仲有大把o野要做，你叫佢以後點面對朋友呀！係人聽到佢老婆原來係鬼，都會走夾唔啦。 希望你o既美姨可以早日投胎，等你叔叔可以重新開始新生活啦！

人死左就算
何必要"冥婚"呢...
死了就應該去投胎

引用第2樓candy_bb於2007-03-25 11:54發表的  :
真係有冥婚lee回事ga?

有咖,等我比你睇下冥婚係咩尼啦
↓↓↓
冥婚又被稱為陰婚，是中國古老習俗，主要是家長為早死的未婚子女尋找另一半，讓他們在黃泉路上都有一個照應。也有人為了信守生前的婚約，與突然死亡的男友或者女友舉行冥婚，以告慰死者在天之靈，給他們一個夫妻名分。

　冥婚在中國最早記載於三國時期的魏國，相傳古時成功用沉船法量度出大象重量的神童曹沖，由於很得父親曹操的厚愛，他於13歲夭折後，曹操即給愛子找到一名女孩給他合葬，自此冥婚漸漸流行起來，直至千多年後的今天仍然在民間流行。

　現時冥婚可以分為兩種，一種是死者與死者相結合，雙方是以神主牌進行，兩人的家長亦要出席作證婚人；另一種則是生人與死者拜堂成婚，主要是生人與死者的神主牌或生雞結婚，成婚後生人可能每晚要與神主牌一齊睡覺，以表示與死者已經結為夫婦。

　冥婚的儀式和一般的婚禮差不多，由雙方的家長聘請道士舉行稟明神靈儀式，並請神靈作證婚人，同時男女雙方家長也會依照陽世間的嫁娶習俗，準備禮餅、糖果、聘金等婚嫁物品互贈對方，拜完堂後並且準備花車把雙方的神主牌風風光光帶回家，並且把靈位供奉在家作早晚拜祭。