何韻詩早前在網誌暗寸古巨基的新歌《錢錢錢錢》涉抄襲其偶像Queen的歌曲，二人前晚狹路相逢，阿詩開腔讚二人襯，怎料基仔沒有回應，令她極度尷尬！
基仔與阿詩前晚不約而同以黑、白打扮演出RoadShow音樂會，當基仔接受訪問時，阿詩剛巧入後台，她看見基仔即說：「好襯喎！」怎料基仔未有回應，只是表情木訥地與她合照約兩分鐘，慘食檸檬的阿詩一臉尷尬，但臨走前仍禮貌地向基仔道別，此時基仔才說聲「Bye」。
力撐旋律唔同
基仔昨日被問及此事時卻說：「我當時同記者講緊航空公司單激氣，睇唔到阿詩講任何，我打畀Paco（黃高）問，佢話聽到記者群中有人話『好襯喎』，我都有微笑打招呼。（阿詩真係講。）我真係睇唔到！」他自言有禮貌，相信當中有誤會，而Paco亦力撐他有風度。至於阿詩則表示，與基仔見面不尷尬，亦不抗拒合照，因為她沒有指明誰抄歌。
對於《錢錢錢錢》被指涉抄襲，基仔與Paco齊聲否認，基仔說：「首歌旋律同Queen歌唔同，只係同類曲風，抄襲歌，我梗係唔會要！」Paco則說：「大家觀點與角度唔同，抄襲意思係百分百抄旋律，風格上冇得抄。如果佢（阿詩）講阿Mark（雷頌德）同基仔歌，多謝佢幫我宣傳，不過佢冇講名。」基仔隨即拍一拍Paco膊頭，示意毋須對號入座。
另外，剛從維也納返港的基仔，炮轟航空公司的地勤人員態度欠佳，還將他與同事約值三、四十萬的行李寄失，幸好唱片的封面照貯存在隨身攜帶的電腦中。
----------------------------------------------------------------------------------------
全世界出過咁多歌,有d相似都唔出奇啦
