蜜蜂
小新見風間成塊面腫到豬頭咁，很奇怪。
小新︰「正男，乜搞成咁呀 ﹖」
風間︰「尋日同阿呆去新界釣魚，釣釣o下魚，
突然有隻蜜蜂飛落我塊面度。」
小新︰「乜你冇用手提佢走咩 ﹖」
風間︰「有呀 ﹗不過我o黎唔切用手趕，
阿呆就已經用隻船槳將隻蜜蜂打死啦。」
買早餐
妮妮鬼咁無記性，次次叫佢買早餐，唔係買漏，就
係買錯。
今日正男、風間和小新三人商議後，決定用最原始
方法，乜都寫低o係張紙上面。
於是我們將要吃的早餐寫在紙上。
一︰牛肉粥、二︰餐蛋麵、三︰腸粉、四︰炒麵。
結果妮妮不負所託，買了一碗牛肉粥、兩碗餐蛋
麵、三碟腸粉同四包炒麵。
唔得
妮妮上班不久，就接到信，要求立刻離職。
妮妮怒氣沖沖的質問經理小新。
妮妮︰「小新，我有乜o野唔得，你要炒我魷魚
呀 ﹖」
小新︰「唔得，你又唔算多，計落係得兩樣囉 ﹗」
妮妮︰「哦 ﹗咪就係呢樣又唔得，果樣又唔得，兩
種囉 ﹗」
呃人
正男去買砂糖。
但見老闆風間去打開上面寫了「胡椒粉」的櫃桶。
正男︰「喂 ﹗我去買砂糖喎 ﹗」
風間︰「呢 d 咪砂糖囉 ﹗」
正男︰「但係你個櫃桶寫住『胡椒粉』喎 ﹗」
風間︰「呵 ﹗我特登 ga ﹗用o黎呃老鼠，等佢o地見
到係『胡椒粉』咪唔會o黎偷食囉 ﹗」
挨打
警署裏，警察問被人打o既小新說︰「你記唔記得打
你果個人點樣呀 ﹖」
小新非常肯定說︰「當然記得啦 ﹗我就係因為形容
佢個樣，先至搞到挨打咋嘛 ﹗」
警察︰「 ﹗﹖# % @ *」
陪審員
小新收到信要做陪審員。
他了解過這件案，發覺案情複雜，恐怕會拖一段長
時間，於是他向法官請求豁免。
小新︰「法官大人，因為我係公司o既經理，而公司
有好多濕碎o野要我跟，我諗我唔可以行開咁耐 ﹗」
法官︰「你o既意思，係咪話公司冇o左你唔得咁話
呀 ﹗」
小新︰「唔係呀 ﹗法官大人，我就係知道間公司冇
o左我，都可以正常運作，我擔心畀佢o地發覺呢個事實，
我就冇得撈呀 ﹗」
行李費
小新準備搭的士去機場。
佢於是就問的士司機︰「去機場要幾多錢 ga ﹖」
的士司機︰「大約三百蚊啦 ﹗」
小新︰「咁樣呀.......行李要收幾多錢呀 ﹖」
的士司機︰「見你咁靚仔，行李免費又點話 ﹖」
小新︰「太好喇 ﹗所有行李都係哂度，麻煩你送去
機場，我響機場入口等你 ﹗」
坐地鐵
妮妮︰「點解你追求我o個陣，日日坐的士，依家日
日要坐地鐵 ﹖」
小新︰「我覺得你好囉 ﹗」
妮妮︰「唔明 ﹗」
小新︰「初時唔知你咁好，淨係坐的士，得個的士
司機望到你，依家識得你耐o左，知你咁好，梗係要帶你
坐地鐵，等多 d 人望到你囉 ﹗我都好自豪 ga ﹗唔通你唔
自豪咩 ﹖」
