56件兒時(或現時)無聊事你又做過幾多件?
1.玩米缸，將手插入米缸裡面o既米裡面搞下搞下。
2.在百貨公司入面篤扶手電梯旁的吊牌。
3.地下有階磚時，特登隔一格一格o黎行(不可踩界，要完全在格內)。
4.用錶面反射陽光，照o黎照去。(幼稚園老師教~!)
5.跳樓梯(愈多級愈勁)。(小人到中學仲發現有人玩)
6.行路上高起左地方(例如高起左o既長條型石博，好似玩平衡木咁行法)。
7.鋪張紙在硬幣上面，然後用鉛筆係上面油，油返個形出o黎。
8.食完瑞士糖之後，將糖紙包番個原本四四方方果個形出o黎。
9.超級市場踩住架購物車o黎行。
10.踩水"tum"，係好特登果隻。
11.吹口水波。
12.搣牆上的乳膠漆或牆紙。
13.係平滑o既地面上面"冼"下"冼"下咁行。
14.整濕o的紙巾，掟上學校廁所天花頂。(小人既小學經常有人做...小人稱呢d做--------燕窩)
15.食完綠箭香口膠，一定摺返成張包裝紙，再放返入個大套入面。
16.響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉
下，轉得快個時飛出o黎，睇下個粉刷中邊個。
17.放膠袋(當風爭甘放)。
18.去後梯執咸書睇，張睇完的咸書撕開飄落街。
19.貼張龜仔紙嚮o的同學。
20.踩人地個影。
21.狂踩人地對白飯魚，尤其是大肥仔果o的。
22.用幾條橡筋射。
23.掉人地門口的拖鞋落街。
24."蚊"消防喉，射水落下面個球場，睇下射到幾遠。
25.擇水彈。(擇尿彈)
26.用氣鎗射街上的途人。
27.玩千揪，"fing"到咁上下就飛出去鬥遠。(唔p街都算好彩)
28.落樓梯時坐係o的扶手上面"sir"落黎。(在小學...小人就是始創人)
29.在自動梯行相反方向。
30.把"誤投信件"或沒有用的宣傳單張，胡亂放入其他的住宅信箱。
31.坐地鐵時，抓緊中間的扶手，地鐵一開動博命繞住轉(自轉)。
32.在月台上鬥快跑。
33.帶玩具返學。
34.用圖釘弄穿學校壁佈板。
35.亂按人家的門鐘，然後鬆人。
36.明知過了三歲，仍然不買票，"捐"地鐵的入/出閘機。
37.用改錯水(很舊的有一個掃那種)附送的天拿水，搽在手上。(聽都沒聽過)
38.在井字型公屋中間的大天井中放紙飛機，或者放紙青蜒，看看誰放的紙青蜒
最慢由廿幾樓落到地面。
39.煲蠟。
40.把汽水罐靜雞雞放在校車的車輪下攝住，開車時把它壓扁。
41. 圍閹(囧)
42.呵尿時出力射走 D 屎積(我係刷牙射走d牙高稿積)
43.將紙碎或者紙飛機撒落街
44.將bubble紙氣泡逐粒"鏈"爆
45.o係屋企走廊玩"壁虎功"(點玩ar= =")
46.走到開動緊電風扇面前:"呀~~~~~~~~!"(我唔呀....而係「我係外星人」)
47.用間尺好似 "搖搖板"咁彈起舊擦膠
48.寶貼當泥膠,用間尺整pizza
49.係屋企撩鼻屎然後抿落牆
50.將 d 擦膠碎用尺切粒粒
51.膠水搽係手/筆盒上 , 等佢乾之後成塊 met 出黎 ~
52.洗手時用手頂住個出水位,用d水去射周圍d人
53.同隔離位鬥快開哂筆盒d機關
54.飛拖鞋(起屋企玩過....飛左落街~!呀媽問起「唔知喎」)
55.特登將飲完的紙包飲品吹脹然後放在地上，大力地踩爆佢
56.用泥膠塞電制/電話插蘇(電死你ar....大家唔好做)
