今屆曼聯演出皇者風範，在各路戰線都有不俗表演，聯賽排榜首之餘，歐聯亦已打入八強，好多人將功勞歸於今屆大熟大勇既基斯坦奴朗拿度。的確佢今屆既表現比以往更成熟，亦表演出比往更為出色既領導才能，但原來在其背後有一個更重要既原素，就係朗尼！
如果大家翻查返今屆曼聯既比賽，曼聯直到對樸茨矛夫既足總盃之前輸既四埸波朗尼都無上陣，而當中對住韋斯咸同埋主埸輸俾曼城一戰，即係有C朗在陣但仍然表現乏善足陳。相反，C朗同朗尼同埸上陣既對樸矛一戰，雖然最終輸波而回，但全埸曼聯佔盡優勢，奈何只係對方有超水準表現加上運氣幫助下先令曼聯飲恨，可見C朗於曼聯陣中亦絶非最重要一員。
究其原因都係因為朗尼既踢法比較進取，當對方控球在腳時佢會不惜氣力去追，去搶，甚至經常返到後埸助守，而進攻時亦唔介意退到中埸攞波為隊友鋪橋搭路，令到佢既隊友可以踢得更輕鬆，亦令對方既球員無論攻守都更吃力。相反C朗一向都係靠佢秀麗既腳法與及高速去創造攻勢，假如狀態唔好或者埸地情況差既話佢就會好似失左蹤咁，相對地呢個情況O係朗尼身上較少發生。
由此可見，
雖然C朗既踢法非常悅目，亦好吸引大家既注意，但論重要性，我認為朗尼絶不比佢低，唔知大家點睇呢！
