在傾盆大雨兼雷暴警告情況下，原定昨午假旺角場上演的聯賽盃決賽南華對傑志無法舉行，足總當場宣布將賽事改在明午三時假旺角場上演，足總主席梁孔德坦言決賽遇「攔門雨」，唔改唔得，希望球迷體諒。部分已買飛進場的球迷則一度鼓譟。
頭場全港學界精英足球賽決賽於昨午十二時十五分在大雨下開戰，天文台在一小時後發出雷暴警告，足總並沒有立即腰斬賽事，比賽末段是在雷暴警告下「冒險」完成的。
頭場結束後，現場購票球迷增至一千一百多人，準備決賽來臨，但雨勢亦逐漸加大，球場積水盈吋，南、傑雙方代表、球證及足總代表進場視察，不久便折返更衣室，至下午二時卅五分，足總宣布賽事延期。
足總主席梁孔德表示：「咁多球迷入左場，電視台又準備直播，我們盡可能都唔想賽事改期，不過場地情況實在太差，比賽押後兩日，到時冇電視直播，希望買飛同未買飛既球迷，繼續捧場！」足總宣布賽事延期後不久，雨勢隨即減緩，之後變番微雨，真係玩死！至於賽事改期對球隊影響，南華足主羅傑承話：「為踢好決賽，班球員谷到好弗，希望佢地保持狀態，繼續備戰。」(on.cc)
大家入場啦
